Пётр Чернов дорын

Удмурт Дунне
By Удмурт Дунне 19 июля, 2016 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
чернов

Пётр Чернов.

Алнаш ёросысь Лулчеберетъя но искусствоя юртын 13-тӥ пӧсьтолэзе, ӵапак вордӥськем нуналаз, Удмуртиысь калык писателез Пётр Черновез буре ваён ӝыт ортчиз. Туэ солы 80 арес тырмысал.

Пётр Черновез буре вайыса, ужрадэз усьтӥз культурая но туризмъя управлениен кивалтӥсь Наталья Антонова. Агаеныз ӵош будэмзэ тодаз вайыса, вераськиз писательлэн сузэрез Ольга Шилова. Пётр Константиновичен тодматскемзы, кузпалъяськемзы но тупаса, ог-огзэс валаса улэмзы пумысен вераз кузпалыз Валентина Николаевна. Со люкаськем калыкез шумпоттӥз: ваньмызлы Пётр Константиновичлэсь книгаоссэ кузьмаз. Таӵе кузьымлы тужгес но куанӥзы дышетӥсьёс.

Писательлэн улон сюресэз но творчествоез сярысь тодэ ваёнъёссэс веразы ӵош дышетскем но ужам эшъёсыз — тодосчиос Василий Ванюшев но Александр Шкляев.  Пётр Черновлэн пичи дыр эшез, крезьгурчи Пантелей Кузнецов гольык пыд бызьылэмъёссэс мадиз. Учыръёссэс озьы ик веразы кылбурчи, журналист Владимир Михайлов, Удмуртиысь Писательёслэн огазеяськонзылэн тӧроез Пётр Захаров. Нош тодосчи Анна Зуева-Измайлова Пётр Константинович сярысь тунсыко учыр   вераз. Кызьы со француз тодосчиен Жан-Люк Мороен эшъяськиз но сое удмурт кылын вераськыны дышетӥз.

Собере вань калыкез, автобусэ пуктыса, нуизы Пётр Константиновичлэн вордӥськем Сизьгуртаз. Пётр Черновлэн улэм-вылэменыз но гуртысьтызы данэ потэм  адямиосын тодматӥз татысь музеен кивалтӥсь Валентина Кириллова.

Ӝытэз радъяз но нуиз Алнаш черкогуртысь Ашальчи Оки нимо музеен кивалтӥсь Мария Петрова. Солы мыло-кыдо юрттӥськиз Алнашысь шаертодонъя музейысь Нелли Буранова.

Любовь Тихонова

Удмурт Дунне
By Удмурт Дунне 19 июля, 2016 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<