«Пирогово» аэроклубын вожвылъясько Россиысь кинологъёс

Related Articles

• Ёросъёсысь иворъёс: Глазовын — Чупчи чеберай, Дэриын — квартира усьтонъёс, Можгалан — чиптэм-чаптэм ышонъёс 0 07.Ноя
• Шӧкыч: Пӧртмаськись нюк 0 16.Сен
• Волейболэн шудыны — выль залэ 0 17.Янв

Та нуналъёсы Ижевскысь «Пирогово» аэроклубын ортче Россиысь кинологъёслэн ӵошатсконзы.

Удмурт шаере вуэмын 66 кинологъёс, со пӧлысь 20-ез — Приволжск федерал округысь.

Удмурт шаере вуэмын 66 кинологъёс, со пӧлысь 20-ез — Приволжск федерал округысь. Ужрад сӥземын Россиысь кинологъёслэн службазылы 20 ар тырмонлы. Люкаськемъёсты ӟечкыланы вуылӥз Россиысь МЧС-лэн кинологъёслэн службаенызы кивалтӥсь Елена Колпакова.

Лусьтро эшъёсынызы ӵош спасательёс шуг-секытэ шедем муртэз вакчи дыр куспын шедьто но нырысетӥ юрттэт сёто. Озьы ик адямиосты утчало куашкам юртъёс улысь, бусыосысь, сикъёсысь. Ӵошатсконын бызёно сюрессы 500 метр гинэ ке но, быдэстоно ужзы лачак. Кылсярысь, сюреслэн нырысетӥ люкетысьтыз 3 сӧсырмем муртэз шедьтоно, нош кыкетӥ люкетаз шуге-леке шедем муртъёслэн лыдзы тодмо ӧвӧл. Утчаськыны 20 минут сётӥське.

Озьы ик дунъямын луоз пуныослэн командаосты валамзы, адямиослэн но пунылэн огкылысь луэмзы. Ваньмыз со потэ эшъяськон бордысь.

Валентина Емельянова

Туспуктэм: www.izhevskinfo.ru