Москваын ортчоз Гербер

Удмурт Дунне
By Удмурт Дунне 13 июля, 2016 11:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

16-тӥ июле Москва шорын, Эрмитаж садын, ортчоз Гербер.удмурты

Ужрадэ лыктэм куноос зымозы удмурт сям-йылолъёсы. Матэгес тодматскыны быгатозы удмурт артистъёсын, дӥсь кылдытӥсьёсын, кибашлыосын, веръялозы вӧсям ӝук, табань, перепеч. Мылкыд карисез ачиз, кияз табапуд кутыса, гур азьын пыжиськыны быгатоз. Пыриськозы удмурт эктонъёсы, шудонъёсы, кылозы удмурт гуръёсты. Герберез шулдыртыны дасясько Брангуртысь песянайёс, «Айкай» фольклор театр, «Италмас» ансамбль, Дэбес ёросысь Удмурт Льӧм гуртысь «Льӧмпу сяськаос» ансамбль, Алнаш ёросысь Ӧркагуртысь «Выль ӟардон», егитъёслэн «Сайлент Ву Гур» группазы но мукетъёс. Люкаськем калыкез паймытозы крезьчиос.

Герберын таяз радэ бадӟым саклык висъяськоз Удмуртилэн ужаны быгатэмезлы, узырлыкъёсызлы.

— Миым Гербер кырӟан-эктон шӧлкынгес ортчиз ке, туэ Удмуртиез котыр ласянь возьматыны тыршомы, — вера режиссёр-постановщик Дмитрий Корепанов. —  Улосмы сярысь эшшо тросгес адями мед тодоз. Соин валче пӧртэм удысъёсъя презентациос радъямын луозы. Вераломы Тол бабайлэн резиденциез, Лӧпшо Педуньлэн азбарез, П. Чайковский композиторлэн музей-усадьбаез сярысь. Возьматомы М. Калашниковлэн автоматъёсызъя лэсьтэм макетъёсты. Калык тодматскоз этномодаен. Вашкала удмурт дӥсез дӥсяны, уксётӥрлык ошыны но  туспуктэм лэсьтыны луоз. Адӟытонэ поттомы шаерамы лэсьтӥськись сиён-юонэз, усточиослэсь арбериоссэс.

Та адӟытон-возьматон азьланяз Удмуртие туристъёсты но инвесторъёсты кыскыны юрттоз.

Елена Сараматова

Удмурт Дунне
By Удмурт Дунне 13 июля, 2016 11:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<