«Михеев лыдӟонъёс» ортчизы Татарстанын

Удмурт Дунне
By Удмурт Дунне 19 июля, 2016 13:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Татарстанысь Ошторма-Юмья школаысь дышетћсь В. Рамазанов маде И. Михеевлэн улэм-вылэмез сярысь.

Татарстанысь Ошторма-Юмья школаысь дышетӥсь В. Рамазанов маде И. Михеевлэн улэм-вылэмез сярысь.

Удмуртиысь Писательёслэн огазеяськонзы 19-тӥ инвожое Татарстанысь Ошторма-Юмья школаын ортчытӥз «Михеев лыдӟонъёс» литературной пумиськон.

Ӵапак та нуналэ Иван Михеевлы 140 ар тырмиз. Та адямиез али умой тодӥськом удмурт югдытӥсез, дышетӥсез сямен, нош милям потэ вал пусъеммы, Иван Степанович озьы ик удмурт литературалэн одӥгез кылдытӥсез, инъет сётӥсез луэ шуыса. Иван Михеев вордскиз Татарстанысь Кукмор ёросысь Ошторма-Юмья черкогуртын. Татысь школае быдэс зал тыр калык люкаськиз! Калык азьын кылбуръёссэс лыдӟизы Удмуртиысь Писательёслэн огазеяськонэнызы кивалтӥсь Пётр Захаров, егит кылбурчиос Мария Галеева, Микаль Михайлов, Богдан Анфиногенов. Пиос озьы ик тунсыко кырӟанъёссэс кырӟазы.

Туж умой кылъёс вераз школалэн директорез Виталий Семёнов. Азьло Иван Михеев сярысь трос уг верасько вал, пе, пиналъёс ӵемысь ӧз тодылэ та быдӟым адями сярысь, соин ик таӵе ужрадъёс ортчытъяны туж кулэ. Школаысь историяя дышетӥсь Василий Рамазанов ортчытӥз куноос понна пичи экскурсия, вуттӥз школаысь шаертодонъя музее, трос тунсыко учыръёсты вераз. Ужрадэ пыриськизы Иван Михеевлэн џыжы-выжыосыз но.

Туж бадӟым тау Кукмор ёросысь удмуртъёслы умой ужамзы, удмуртлыкез утемзы, шуныт эшлыко мылкыд кузьмамзы понна. Оскиськом, вуоно арын но «Михеев лыдӟонъёс» нош ик ортчозы та чебер гуртын, отчы тросгес калык лыктоз. Вылаз ик, Пётр Захаров ӵектӥз  вуоно арысен егит удмурт литераторъёсты Михеев нимо премиен пусйылыны.

Союз пи

Удмурт Дунне
By Удмурт Дунне 19 июля, 2016 13:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<