Кызьы егит дышетӥсез вузэ кысконо?

Удмурт Дунне
By Удмурт Дунне 12 июля, 2016 12:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
ижгту

Ижысь техникая кун университетлэн ректорез Борис Якимович: Егит дышетӥсьёс 28 аресказы кандидатской диссертацизэс утё ке, ми соослэсь уждунэз будэтӥськом, нош кандидат луэмзы бере 250 сюрс манет сётӥськом. 

Россиысь котькуд вуз егит дышетӥсьёсты но тодосчиосты бордаз ас сяменыз кыске. Ижысь М. Калашников нимо технической кун университетлэн аслаз амалэз.

«Вуоноысь инженеръёс» форумын егитъёс наукаен вырон но вузъёсы егит дышетӥсьёсты кыскон ласянь но ужпумъёс ӝутказы. Тросэз ӝожтӥськизы: наукаен вырисьёслы асьсэ малпанъёссэс улонэ пыӵатыны, эскеронъёс ортчытъяны коньдон уг висъяськы, егит тодосчиослэн уждунзы ичи.

— Кулэ ӧсъёсы йыгаськоно! Али трос пӧртэм институтъёс наукаез азинтонлы коньдон висъяло, грантъёс люкыло, — егитъёсты буйгатӥзы котырес ӝӧке пыриськем депутатъёс но вузъёсын ужасьёс.

— Технической удысын ужасьёсты умой дасяны уг луы, вылӥ дышетсконни кусып уг возьы ке предприятиосын. Соин ик ми шаерысьтымы валтӥсь компаниосын — Ижысь «Купол» заводын, «Аксион» холдингын, «Воткинскысь заводын» — кылдытӥмы кафедраос, отын практиказэс ортчо студентъёсмы, лекциосты лыдӟо заводын ужасьёс, — вера Ижысь техникая кун университетлэн ректорез Борис Якимович. — Со сяна, егит дышетӥсьёсын контракт гожтӥськомы. Соос 28 аресказы кандидатской диссертацизэс утё ке, ми соослэсь уждунэз будэтӥськом, нош кандидат луэмзы бере 250 сюрс манет сётӥськом. Наукая доктор луэмзы понна висъяськом 500 сюрс манет. Таӵе программая ужаны кутскимы 2014-тӥ арысен.

Ижысь М. Калашников нимо технической кун университетысь егит дышетӥсьёс лекциос но котырес ӝӧкъёс ортчыто «Вуоноысь инженеръёс» форумын но.

Мария Векшина

Туспуктӥз А. Горбунов

Удмурт Дунне
By Удмурт Дунне 12 июля, 2016 12:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<