Гурт удысэз лыдъян-чотан: 10 нунал ӵоже Удмуртиын 73 сюрс 464 объект чотамын

Удмурт Дунне
By Удмурт Дунне 26 июля, 2016 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

переписьБыдэс Россиын 1-тӥ июльысен  гурт удысэз лыдъян-чотан ортче. 10 нунал ӵоже Удмуртиысь 73 сюрс 464 объектэ вуылӥзы ни.

Удмуртстатэн кивалтӥсь Евгений Данилов верамъя, лыдъянэн выро 92 инструктор но 553 чотась. 46 нунал ӵоже таос 259 сюрс 803 гуртоос доры вуыны кулэ. Со сяна,  406 хозяйствоосын кивалтӥсьёс асьсэос анкетаосты гожъялозы.

Али вань лыдъяно объектъёс пӧлысь 28,3 процентаз чотасьёс вуылэмын ни. Таос пӧлын 8 фермер хозяйство, 3 сюрс 601 участок.

Юалляськемын 67 ужбергатӥсьлэсь, гуртын улӥсь но хозяйство возись 66 сюрс 549 адямилэсь, городын юртъер возись 3 сюрс 134 муртлэсь. 19 эштос анкетаоссэ ыстӥз ни. Ёрос йыръёсын пумиськон дыръя Евгений Данилов кивалтӥсьёсты куриз, лыдъян-чотанэз ортчытонлы мыло-кыдогес юрттӥськыны.

— Чотан ортчытэм бере син азямы зэмос суред пуксьыны кулэ: тырмыт-а хозяйствоосын техника, кыӵе туала технологиосты кутыса ужало, макем тырмыт вуэ субсидия но макем юрттэ со хозяйствоослы азинтӥськыны,  — ёрос йыръёсын кенешон дыръя шуиз Удмуртилэн Тӧроез Александр Соловьев.

Лыдъян-чотанлы йылпумъянъёс лэсьтэмын луозы 2017-тӥ арын. Рос-прос суредэз вералозы 2018-тӥ арын. Ӵапак соя чаклалозы, мар бордын азьланяз ужано, гурт удысэз азинтонлы кыӵе юрттэт висъяно.

Сергей Захаров

Удмурт Дунне
By Удмурт Дунне 26 июля, 2016 11:00