Гурезь сётске дӥсьтӥсезлы

Удмурт Дунне
By Удмурт Дунне 18 июля, 2016 14:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 Татын пумисько пустыня но йӧ

Удмуртиысь туристъёслэн командазы Забайкальской улосысь Кодар хребетэз мартэ 26 нунал ӵоже котыръяз. Та вакыт куспын соос ог 280 иськемез ортчизы, 10 перевалэз, трос каньонъёсты вормизы, кынмем водопадъёсы ӝутӥськизы. Гурезьёсын улэмез сярысь вераз Сергей Мерзляков.

Гурезь йылэ кынмем шур кузя.

Гурезь йылэ кынмем шур кузя.

Пӧсь ошмесъёс но кысэм вулканъёс

Забайкальской улосысь Кодар хребетэ Удмуртиысь туристъёс 2-тӥзэ вуизы ни. Кылем арын соос та гурезьёстӥ ӟеч ортчизы но Россиысь чемпионатын 13 командаос пӧлысь 4-тӥ интыын луизы. Валерий Попов, Александр Чикунов, Сергей Мерзляков, Иван Дмитриев, Анна Мерзлякова, Сергей Пономарёв туэ выльысь сюрес вылэ потӥзы, но таяз радэ ортчизы тужгес секыт, 6-тӥ категориен, маршрутэз (туэ 6-тӥ категориен маршрутэ потонзэ ивортӥз Россиысь 3-4 команда гинэ).

— Кодар хребетын спортъя туризмен выронлы тупась интыос данак: трос перевалъёс, каньонъёс, водопадъёс, — вера С. Мерзляков. — Татын вань аспӧртэмлыко Орто-Юрях каньон. Отын 12 водопадъёс, соос, 20-30 метрысь усьыса, шуре ӧръясько. Ортчим Синильга перевалэз, Сакуканнырд но Сыллах каньонъёсты. Татысь луэ ГУЛАГ лагерьлэсь бервылъёссэ адӟыны. Отын 1948-тӥ-1949-тӥ аръёсы уран поттӥллям. Бышкись ез сьӧрысь юртъёс умой утиськемын. Кодарын вань кысэм вулканъёс, пӧсь вуэн бызись ошмесъёс.

Кодар хребет интыяськемын Байкалысен ог 600 иськемын. Пыдъёсамы куасъёс кутчамы. Котькудмылэн тыбыр сьӧрамы ог 40 килограммъем ныпъет, эшшо ваньмы кыскыса нуиськомы ог 20 килограммъем салазкиосты. Отын гурезьёсы тубыны юрттӥсь тӥрлык: изъёс борды ӝабырсконъёс, йӧ коранъёс, пӧртэм курикъёс, гозыос.

 

Гур эстыны луэ палаткаын но.

Гур эстыны луэ палаткаын но.

 

Сюресмы ортчиз Чарской пустыняетӥ. Та туж аспӧртэмлыко инты. Котырак вӧл-вӧл, лымы букосъёс пельтэмын, кыдёкын чильпырало гурезьёс. Толалтэ ке но, лымы туж ӧжыт. Тӧл сое пельтыса кыдёке нуэ, соин пыд улын, лымы интые, песок куаж! каре. Шунды зол пиштэмен, синъёс ик вӧсь луо, соин сьӧд очкитэк ветлыны уг луы.

Кезьыт. Нуназе -20-30 градус возиське ке вал, уйин -40 градусозь кезьытскылӥз.

 Лымы согиз, но ӧз кышкаты

— Кодарын трос тунсыко перевалъёс: Трёх жандармов, Корень, 25 лет Советской Латвии. Одӥгез кышкытэз — Мурзилка. Та гурезь лымы улэ трос туристъёсты согиз ни. Отысь ӵем гинэ лымы ваське (лавина). Мурзилка перевалэтӥ нырысь вамыштыны дӥсьтӥз Иван Дмитриев. Нырысетӥез котьку кышкытсэ ас вылаз басьтэ. Ог 100 метр мында васькемез бере лымы гукак! погыльскыса васькыны ӧдъяз, Иван лымыен согиськиз. Но… эшмы лымы улысь потӥз но, ваньмыз умой, ӧй шуккиськы, пе. Соку ваньмы, лымы усемлэсь кышкатэк, уллань ваським. Та перевалэз ортчем бере лымы улэ нокин ӧз сюрылы ни. Но отын но татын 2-3 иськем котырын лымылэн усемез кылӥськылӥз ик.

кодар23

Кодарэз котыръян ӵоже 2 пол пумиськылӥм пужейёсты пастухасьёсын.

Кодарысь тужгес секыт каньонэз — Орто-Юряхез — 2 нунал ортчыны вырим, отын данак водопадъёс. Гурезьысь васькись вуос йӧ гурезьёслы пӧрмылэмын. Одӥгаз 30 метр ӝутским. Чурен мынӥсьёс пӧлысь нырысетӥез йӧ гурезь вылэ, курикъёсын ӝабырскыса, ӝутӥське, бордаз гозы юнматэмын. Йылаз вуыса, гозыез ӟеч-ӟеч юнматэ но, со кузя ваньмы тубиськом ни. Кодар кадь меӵ гурезьёсы мынэмлэсь азьло быгатонъёсмес волятӥськом Свердловск улосысь гурезьёсын.

Верай вал ини, вуылэммылы быдэ Кодар мар ке но выльзэ, паймымонзэ усьтэ. Таяз радэ но милемлы кузьым лэсьтӥз: Таёжная шурысь пумитамы ог 40 метръем водопадэз. Та инкуазь узырлык сярысь картаосын пусйымтэ вал ай.

 Пужейёсын туспуксимы

— Гурезьёсын адямиосты ум пумиталэ кожамы вал, угось гуртъёс татын ӧвӧл. Озьы ке но Кодарэз котыръян ӵоже 2 пол пумиськылӥм пужейёсты пастухасьёсын. Соос милемлы веразы, та гурезьёсын 4 семья гинэ уйпал пудоез  вордэ на шуыса.

Пастухасьёс ваньзы пыӵалъёсын: адямиослэсь ӧвӧл, кионлэсь утиськыса. Тол куспын гинэ сьӧсь 7 пужейзэс кесям.

Пужейёсты чакласьёс Кодарысь тэльёсы асьсэлы пичияк корка нергеос но мунчоос лэсьтӥллям. Походмылэн 16-тӥ нуналаз вуимы одӥгез сыӵе юрт доры. Котырмес интыяса гинэ вуттӥм, пастухасьёс вуизы. Коркась потоно луим, вӧзаз ик палаткамес пуктӥм но мунчоязы куриським — лэзизы. Пужейёсты вешамы, соосын туспуксимы. Уйпал пудо адямилэсь уг кышка вылэм, фотое мыло-кыдо пуксе.

Кодар гурезьёсын нюлэсъёс туж ӧжыт, писпуос шер-тур будо. Соин, луонлык кылдыку, салазкиосмес пуэн тырмытылӥмы. Палаткамес лымыен согылӥмы. Гурмы вал, сое ялан эстыса, уйин палатка пушкын +20 градуслэсь вылӥын возиськылӥз.

кодар15

Шутэтскиськом.

 Гужем но гужем кадь ӧвӧл

Татчы вуылыны туж тунсыко луоз гужем. Поезд Новая Чара каргурт доры вуттэ. Татысен гурезьёс дорозь машинаен (туристъёсты юромо нуллӥсь адямиос вань) яке пыдын ог 15-20 иськем мында мыноно. Кодар хребетын пӧртэм интыосыз вань: али гинэ туризмен вырыны кутскисьёслы но, кужмо спортсменъёслы но.

Зэм, Кодарын гужем но гужем кадь ӧвӧл: куазь салкым возиське, зоре, туж ӵем бус вӧлске. Гурезьёслэн шоро-куспо ӝуждалазы 2 сюрс — 2 сюрс 500 метр,  нош тужгес ӝужытэз вырйыл — БАМ, со 3 сюрс 75 метр. Макем вылӥегес гурезьёсы тубиськод, сокем зол инкуазь воштӥське: лысо но куаро писпуосты пумен вошто альпийской возьёс но тундра. Озьы ик та гурезьёсын трос ноку шунасьтэм йӧ вырйылъёс.

Ангелина Снигирёва

Туспуктӥз Сергей Мерзляков

Удмурт Дунне
By Удмурт Дунне 18 июля, 2016 14:06 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<