Гондыр мылес

Удмурт Дунне
By Удмурт Дунне 20 июля, 2016 16:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

036842,природа,грибыМикол, ужысь вуыса, кышноезлы шуэ:

— Мани, коньыгуби, пе, туж трос потэмын, Яин тэле ветлыны малпасько шунды пуксемлэсь азьло. Нош тон пук ни гуртын, пичи Ванёкмес утялты.

Мани соглаш луиз, коньыгуби сиыны туж яратэ уго.

Микол губиямысь шунды ӝужаку вуиз. Кудыяз одӥг губиез но ӧвӧл. Кышноезлы кыл-куара вазьытэк, кыштыр гинэ дасяськиз но уже кошкиз.

Ӝытпал Мани пиеныз юрт вадьсысьтызы нылпиослы лэсьтэм шудон сэреге потӥз. Палэнынгес бадӟым ӝӧк пуктэмын, гуртысь воргоронъёс отчы доминоен шудыны люкаськыло. Туннэ но тани гор потто, ог-огзылы улонысьтызы пӧртэм учыръёсты мадё. Микол но пӧлазы. Тани солы черод вуиз вераськыны. Пиеныз шудон сяменыз Мани пельёссэ сак кариз.

— Кылӥ ик вал, Яинын скал возьмасьёс гондырез адӟыло шуыса, — кутскиз Микол веранзэ. — Ӧй оскы, нош толон аслым адӟыны кылдӥз. Тодмо интыям губияны мынӥ. Машинаме нюк уллане пуктӥ. Кӧня ке котырски но, губи шедьтытэк, берто ни шуисько вал. Машинае доры лыктӥ но, палэнынгес лусьтро гондыр котыръяське! Каллен-каллен ӧсэз усьтыса, руль сьӧры пукси. Машинаме вырӟытыса ӧй вутты, гондыр чупыр-чупыр  лыктӥз но пырак азьпал питран азе нюжалскиз. Вырӟыны но, шокчыны но дӥсьтытэк, пукисько. Султоз но, малпасько, кежыр-куажыр машинаме кесяны, укно пиялаоссэ сузяны кутскоз. Нош со вырӟылытэк кылле но кылле, оло изе, оло потэмме возьма. Пукытозям суй-пыды но зубектӥз ни. Куке-соку, шунды ӝужаны кутскемен гинэ, лусьтро возьмаськисе султӥз, сэзъялскиз но дыртытэк тэль пала вамыштӥз. Мон сэрытак интыысьтым вырӟи, гуртэ кызьы вуэмме но ӧй вала.

Микол мадёнзэ йылпумъяз гинэ, Мани воргоронъёс доры кожиз:

— Микол, вера  ай, кызьы меда Мариналэн тани та льӧль косынкаез машинаяд вуиз? Гондыр чыртые, шат, керттэмын вал?

Ӝӧк сьӧрын ваньзы гор-гор серектӥзы.

Микол Орина

Туспуктӥз А. Горбунов

 

Удмурт Дунне
By Удмурт Дунне 20 июля, 2016 16:05 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<