Дунъян золгес ужатэ

Related Articles

• Гидэ выжыясько роботъёс 0 11.Янв
• Сюлмаськонзы но шумпотонзы — огъя 0 10.Окт
• Оскымон но востэм 0 07.Май

Вотка ёросысь чорыг вордонъя «Пихтовка» хозяйствоен кивалтӥсь Георгий Крылов пусъемын «За заслуги перед Отечеством» орденлэн 1-тӥ степенё медаленыз.

— Удмурт адямилэн ужатэк улэмез уг луы, со ноку но награда понна уг тыршы. Но таӵе вормонлы котьку шумпотоно, — шуэ Г. Крылов. — Валано: ужамдэ, коллектив сярысь сюлмаськемдэ вылӥ кивалтӥсьёс тодо, дунъяло. Таин сэрен эшшо золгес ужам потэ. Азьланяз ужпум пуктӥ: котькуд гектарысь 3 тонна нянь, 5 центнер сӥль но 1,5 тонна йӧл басьтыны мед быгатомы. Соку хозяйстволэн поттэм барышез 3 поллы йылоз, уждунэз но сомындалы ик будэтыны луоз. Со сяна, 2 поллы тросгес карп вордоно. Али дорам аспирантъёсты кутӥ, тодосчиостэк та удысэз нокызьы уд азинты.

«За заслуги перед Отечеством» орденлэн 2-тӥ степенё медаленыз сӥлы каремын Кун Думаысь депутат Виктор Шудегов.

Елена Сараматова