Дунне иворъёс: Турциын кышкыт но Слуцкий интые Черчесов

Удмурт Дунне
By Удмурт Дунне 26 июля, 2016 10:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туспуктэм: pikabu.ru

Дуннеын

Турциын кышкыт

Кылем арняе Турциысь военнойёс властез ас киязы басьтыны выризы.

Путч дугдытэмын вал. Азьланяз та выллем переворотъёсты алон вылысь Эрдоган ялӥз: странаын кышкыт югдур (ЧП) кыстӥськоз октябрёзь.

15-тӥ-16-тӥ июле Турциын быризы 200 пала адямиос,  мятежникъёс пӧлын 104 мурт виемын, эшшо сюрслэсь уноез сӧсырмемын. Янгыше уськытэмын ини 99 генералъёс но адмиралъёс, ӝегатэмын 7 сюрслэсь ятыр адями. Путчен сэрен шуге-леке шедизы дышетӥсьёс но, кылсярысь, ужысьтызы уллямын ини 1 сюрс 500 деканъёс но 21 сюрс преподавательёс.

Переворотэз Америкаын улӥсь турок Фетхулла Гюлен дасяз шуыса, Эрдоган США-ез куриз Гюленэз Турцие келяны.

Туспуктэм: osetiasportivnaya.ru

Туспуктэм: osetiasportivnaya.ru

Россиын

Слуцкий интые Черчесов

Россиысь футболэн шудонъя сборноен кивалтоз Станислав Черчесов.

Странаысьтымы национальной командалэн тренерез кылем арысен туэ июнь толэзёзь вал Леонид Слуцкий. Европалэн чемпионатаз асьме команда урод шудэм бере со ужысьтыз кошкиз. Табере футболистъёсты валтоз азьвыл «Динамо», «Амкар», «Спартак», «Терек» но Польшаысь «Легия» командаосын ужам тренер, тодмо футболист Станислав Черчесов.

Галина СЕМЁНОВА

Удмурт Дунне
By Удмурт Дунне 26 июля, 2016 10:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<