Дунне иворъёс: Турциен кенешон, уждунэз йылтон, тыриськонъёсты будэтон

Удмурт Дунне
By Удмурт Дунне 1 июля, 2016 13:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Туспуктэм: newsru.com

Дуннеын

 Вуомы-а огкылэ?

Россилэн но Турцилэн президентъёссы телефон пыр кенешизы.

Мылкыдзы огкадь: кусыпъёсты юнматоно, террористъёсын нюръяськон вылысь огазеяськоно. В. Путин мур куректэмзэ вераз Стамбулысь теракт пумысен — 21-тӥ июне ӝыт отысь аэропортын пуштылонъёс дыръя 42 мурт быриз, 239-эз сӧсырмиз.

Талэсь азьлогес Т. Эрдоган ивортон келяз вал, шуиз: О. Пешковлэн семьяезлы компенсация тырыны, Су-24 бомбардировщиклэсь дунзэ берыктыны дась.  Кызьы тодӥськоды, 2015-тӥ арын ноябре Турцилэн истребителез Сирилэн музъем вылаз асьме самолётэз уськытӥз. Пилот О. Пешков быриз. Россилэн Президентэз оскемзэ вераз, та уж йылаз-пумаз вуттэмын луоз шуыса.

Россиысь туристъёс љоген Турциысь зарезьёс дурын выльысь шутэтскыны быгатозы, вылды. Кык президентъёс матысь дыре пумиськыны кулэ на.

055747,деньги,финансы,монета,мелочь

Туспуктӥз А. Горбунов.

Россиын

 Уждун йылэ

Нырысетӥ июльысен Россиысь тужгес пичи уждун (МРОТ) 20,9 процентлы йылӥз — 7 сюрс но ӝыны манет луиз.

Феврале МРОТ 4 процентлы йылэтэмын вал ини. Документэз дасясьёслэн чотамзыя, уждунэз будэтонлы ватсаса 6,1 миллиард манет кулэ луоз.

Кун Думаысь Ужъя но социальной политикая комитетлэн кивалтӥсез О. Баталина вераз ни: МРОТ-лэн быдӟалаез йылоз азьланьын но, со огмында луыны кулэ улыны чаклам минимумен. Туннэ нуналлы таиз лыдпус — 9 сюрс 452 манет.

Табере Удмуртиын тужгес пичиез уждун 8 сюрс 625 манет луоз, 15 процентъем урал коэффициентэз лыдэ басьтыса.

080790,вода,кран

Туспуктӥз А. Горбунов.

Удмуртиын

Тыриськонъёс будо

Нырысетӥ июльысен ог 4 процентлы йылӥзы коммунальной услугаослы дунъёс. Нош кинлэн ӧвӧл лыдъясь приборъёсыз — трослыгес.

Энергетикая но ЖКХ-я министерство ивортэмъя, уката дунояз электричество — 6,2 процентлы. Шунытлы но газлы дунъёс 2,3 процентлы, пӧсь вулы 3,4 процентлы ятыргес луизы.

Кинлэн ӧвӧл лыдъясь приборъёсыз, соос 1,5 поллы тросгес тыриськозы, 2017-тӥ арын 1-тӥ январьысен — 1,7 поллы.

 Элина Кумачёва

 

 

 

Удмурт Дунне
By Удмурт Дунне 1 июля, 2016 13:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<