Дась-а школаос выль дышетскон арлы?

Удмурт Дунне
By Удмурт Дунне 29 июля, 2016 15:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

20-тӥ гудырикошконозь вань школаос выль дышетскон арлы тупатэмын-выльдэмын луыны кулэ ини.

Нырысетӥ эскеронъёс ортчемын ни. Та арняе элькунысьтымы дышетонъя но наукая министр А. Мирошниченко ушъяз Вавож, Кез, Юкаменск ёросъёсысь школаосты. Ӵапак отын тросэз дышетсконниос пиналъёслы  ӧсъёссэс усьтыны дасесь ини. Кышкан кылдэ Пичи Пурга ёросысь покчи ёзо Шоринь Юри но шор ёзо Аксакшур школаос пумысен. Соослы Роспотребнадзорлэн трос юанъёсыз кылдэмын.

аксакш

Аксакшурысь шор ёзо школа пуктэмын 1962-тӥ арын, аварийной лыдъяське.

— Роспотребнадзор ми азе кылем арын ик трос куронъёс пуктӥз вал ни: кенераськоно, нылпиослы ветлон сюресъёс лэсьтоно, школа пушкы сьӧрос радъяно. Ваньзэ лэсьтӥмы, — вера Шоринь Юри гуртысь школалэн кивалтӥсез Татьяна Николаевна Пчельникова. —  Выль дышетскон аре школае лыктыны кулэ 26 пинал. 2013-тӥ арын гуртамы выль школа пуктыны кутскизы, липет улозь вуттӥзы, коммуникациос пыртӥзы но ужъёсты дугдытӥзы. Уксё, пе, ӧвӧл. Нош отын кылемын на пушсэ гинэ лэсьтыны но оборудование вайыны. Та пумысен кивалтӥсьёслы гожтэтъёс гожъям,  вуоно арын планэ пыртом шуыса, оскытӥзы.

Берло 15 ар ӵоже Шоринь Юри гуртысь школа кытчы гинэ ӧз «вуылы» ни. 1929-тӥ арын пуктэм юрт ӝуам бере пиналъёс дышетскыны кутскизы колхозлэн контораяз. Кема ӧз, уллязы. 2007-тӥ арын тупатъязы вуж клублэсь пу юртсэ. Кыџе арын со пуктэмын, гуртоос вераны но уг быгато ни.

Кыр ласянь бадӟым коръёсын пыкъямын Аксакшурысь шор ёзо школалэн борддоръёсыз. Юрт пуктэмын 1962-тӥ арын, аварийной лыдъяське. Но выль школа пуктыны луонлык ӧвӧл. Али школаын дышетске 70-лэсь ятыр пинал.

— Арысь аре куронъёс чурытгес но чурытгес луо, — вера Аксакшур школалэн директорез Александр Павлович Ушаков. — Школамы пулэсь, туалетъёс кырын, канализация ӧвӧл. Таяз арняе Лэсьтӥськонъя, архитектурая но улон инты политикая министерствое гожтэт ыстӥм, 2-3 ар та юртын дышетскыны мед лэзёзы на шуыса.

Али шаерамы лыдъяське 610 школа. Кызьы ивортэ Роспотребнадзор, вуж школаосты туэ эшшо но сакгес чаклалозы. Озьы 14-тӥ пӧсьтолэзёзь эскеремын 95 школа, 12-ез воксё дасесь ӧвӧл.

 

Мария Векшина

 

 

 

Удмурт Дунне
By Удмурт Дунне 29 июля, 2016 15:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<