«Быг-быг»: Кӧт тыр — улон майбыр

Удмурт Дунне
By Удмурт Дунне Июль 11, 2016 16:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

быг-быг1Арлы быдэ ортчылӥсь «Быг-быг» фестиваль туэ паськыта. 12-тӥ-16-тӥ пӧсьтолэзе Шаркан ёросын ортчозы пӧртэм пумо ужрадъёс.

Фестивалез радъясьёс вань гуртъёсты ӟыгыртыны малпазы, лэся. Ужрадъёс ортчозы Шарканын, Мувырын, Вортчалан, Быгыын. «Быг-быг» фестивальлэн пусэз выжоз одӥг гуртысь мукетаз.

«Быг-быг» фестиваль нырысьсэ радъяськиз 3 ар талэсь азьло, соку Быгы фин-угор дуннелэн культурая шоркарез вал. Соку фестиваль нуналскын ортчиз, туэ со кыстћськоз 5 нунал.

12-тӥ пӧсьтолэзе фестивальлы кутскон сётозы Быгы гуртын.  18 часын  сӥё-дано усьтозы Быгыысь Удмурт сиён-юонъёслы сӥзем музеез, возьматозы удмурт сиён-юонъёсъя картаез. Уго котькуд ёрос аслаз сиён-юонэныз данъяськыны быгатэ. Со картаысь адӟыны луоз, Кез ёросын сӥльын табань пыжо шуыса, нош Пичи Пурга ёросын — юача. Татысь ик тодыны луоз, кызьы пӧрано созэ яке тазэ сиён-юонэз. 0+

13-тӥ пӧсьтолэзе калык люкаськоз Мувыре — отын «Алангасарлэн вужерез» кино лэсьтэмын. 18.30 часын Ижысь «Балаганчик» театр спектакль пуктоз. Со дыре ик калык тодматскоз «Алангасарлэн вужерез» киноысь актёръёсын, солэн режиссёръёсыныз но В. Ар-Серги сценаристэн. Озьы ик луоз пыриськыны возь выл шудонъёсы, лэсьтыны мунё, пыжиськыны но пӧсятэм лэсьтыны. 18+

14-тӥ пӧсьтолэзе Ляльшуре люкаськозы чорыгасьёс. Соос карпъёсты киын кутылозы. Со дыре Вортчалан удмурт сям-йылолъёсты тодэ ваёзы — кен пылатозы, турнаны потозы. Ортчоз вӧсяськонлы пӧрам сиён-юонъёс сярысь конференция. 16+

15-тӥ пӧсьтолэзе сӥлы карозы табанез. «Таба табань» шулдыръяськонэ ӧте Тол бабайлэн резиденциез. 12 часысен ужалозы пӧртэм мастер-классъёс. «Шуныт» кафеын ужасьёс, шаркан песянайёс табань пыжыны дышетозы. Татын ик оскалтыны луоз пӧртэм пумо табаньёсты: гордзэ, вожзэ, зыретэн, сӥльын… Кӧттэс зуркатоды эктыса но кырӟаса. Со нуналэ ик Быгыын вожвылъяськозы шаерысьтымы пӧраськисьёс. Ӝыт пумын ортчоз дискотека. 16+

16-тӥ пӧсьтолэзе Быгыын вожвылъяськозы быдэс фин-угор дуннеысь пӧрасьёс. Отчы котькудӥз пыриськыны быгатэ — сьӧрады пӧраськыны кулэ луись арбериостэс гинэ кутоно: тусьты-пуньы, емышъёс, кеньыръёс… Пӧрамъёстэс дунъялозы жюри но лыктэм куноос. Вормисез дуно кузьым вите. 0+

Удмурт Дунне
By Удмурт Дунне Июль 11, 2016 16:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<