Бесерман кӧкы — Михаил Федотов нимо музей

Удмурт Дунне
By Удмурт Дунне Июль 19, 2016 11:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
бесерман

Бесерман корка.

Яр ёросысь Вортча школаын ужа Михаил Федотов нимо музей. Со усьтэмын 2003-тӥ арын. Соку бесерман кылбурчилы тырмысал 45 арес.

Та музеез усьтон бордын ужазы школаысь организатор Галина Трефилова, покчи классъёслэсь ваньмон дырзэс радъясь Ирина Арасланова но М. Федотовлэн сузэрез Людмила Кутявина.  Али музеез валтэ удмурт, ӟуч кылъёсъя дышетӥсь Ирина Борисовна Дюкина.

— Азьвыл та музей вал музейной комната гинэ, — вера Ирина Борисовна. — Каль сётыны быгатӥм Михаил Федотовлэсь нимзэ. Арысь аре фондзэ йылтӥськом, туспуктэмъёс, Мишаен герӟаськем материалъёс бичаськом.

Арлы быдэ, дано кылбурчилэн вордӥськем нуналэзлы сӥзьыса, Вортча школаын ортчыло литературной ӝытъёс,  отчы вуыло Михаил Федотовлэн ӵыжы-выжыосыз, пиналъёс лыдӟо солэсь кылбуръёссэ. Шӧдӥське, гуртоос но пиналъёс сӥлы каро доразы вордӥськем Михаил Федотовез, со дыре ик палэнэ уг кельто Вортчалась ог 10 иськемысь Бердыш гуртын вордӥськем Флор Васильевез но. Та кылбурчиослэсь чуръёссэс соос, курид ке, учкытэк лыдӟозы, творчествозы сярысь мадёзы. Уго арысь аре соос лэсьто исследовательской ужъёс.

Музейысь котьмае тодыны луэ.  Борддорын ошылэмын пӧртэм вакытысь туспуктэмъёс — тани Михаил Федотовлэн анай-атаез, вордӥськем юртэз, тани со дышетске Удмурт кун университетын, тани кылбур бичетъёссэ поттэм — «Тӧдьы юсьёс берто», «Берекет», «Вӧсь», «Вирсэр». Одӥг сэрегын бесерман сэрег но лэсьтэмын: кыӵе дӥсь нуллӥзы, кыӵе арбериоссы вал корка котыразы…

…Анае но дасялоз вал

Бесермян дӥсьсэ,

Кашпузэ* но со керттоз вал,

Кутчалоз кутсэ…

(М. Федотов)

Кызьы вера Яр ёросысь Вортча муниципал кылдытэтлэн йырыз Зинира Вершинина, Михаил Федотовлэн вордӥськем юртэз но вань на. Али отын улэ Мишалэн выныз.

 

*Кашпу — бызем бесерман кышномуртлэн йыре пононэз.

Мария Векшина

 

 

Удмурт Дунне
By Удмурт Дунне Июль 19, 2016 11:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<