Берпуметӥ нылпиос?

Удмурт Дунне
By Удмурт Дунне 4 июля, 2016 13:51

Яр ёросысь Вортча школаысь пиналъёс кенер тупатъяло, сяська мертто. Яр ёросысь Вортчаысь 9 классъем школаысь азбарын нылпиос ӟабыль потто. 

SONY DSC

Нылъёс ву киськало, урисько. Пиос, зэмос воргоронъёс сямен, технологиен дышетӥсьсы Иван Дементьев вӧзын кенер тупатъяло.

Нылъёс ву киськало, урисько. Пиос, зэмос воргоронъёс сямен, технологиен дышетӥсьсы Иван Дементьев вӧзын кенер тупатъяло.

— Лагерьмы одӥг смена сяна уз луы, — вера Лариса Геннадьевна Дюкина. — Пӧсьтолэзе но гудырикошконэ нылпиос гуртазы пукозы ни. Мугез таӵе: арысь аре пиналъёсмы ӧжыт но ӧжыт кылё. Туэ ми лагере мырдэм но кызьы 15 пиналэз люканы быгатӥм. Нылпиос чыры-пыры ужъёс-ты быдэсъяло, со пумысен анай-атайёссы тодо.

— Гуртэ егитъёс улыны уг ни кылё, кытысь нылпиос вордозы на, -ф сюлэмшугзэ кисьтэ технологиен дышетӥсь Иван Дементьев. — Тужгес егитъёсыз ми кадь 50 аресъем адямиос лыдъясько ини. Сюресъёс ӧвӧл, колхоз быремын, калык ужтэк пуке. Школамес тупатъяно. Мар луоз азьпалан? Тодмо ӧвӧл. Школа пытсаськиз ке, гурт но быроз. Тани та быдӟа, 362 дышетскисьёс понна, кык этажъем школа пуктӥзы вал. Валлё аръёсы кытысь но нылпиос татын ӧз дышетске! Ваньмызлы интернатын но улыны инты ӧз окмылы. Табере нылпиос сино но сино. Та вакытэ школаямы 29 пиналмы кылемын на. 4-ез туэ, 9-тӥ классэз йылпумъяса, училищеосы но техникумъёсы кошкыны дасясько. 10-тӥ классэ мынэмзы уг ни поты, малы ке шуоно  ЕГЭ-лэсь кышкало. Туэ 1-тӥ куарусёнэ 1-тӥ классэ чылкак одӥг пинал лыктоз. Ма, али но 1-2 нылпи пуке. 3-тћ арзэ ини гуртамы газмы вань. Малы улонтэм кадь? Но уж ӧвӧл.

Вортча школаын дышетскиз кылбурчи Михаил Федотов. Малпаз меда пичи Миша, бадӟым гуртэз — отын уло удмуртъёс, бигеръёс но бесерманъёс — куке-соку бырон калэ вуоз шуыса.

Любовь Тихонова

Туспуктӥз В. Беломорских

Удмурт Дунне
By Удмурт Дунне 4 июля, 2016 13:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<