Балезино ёросын косэмез уг возьмало!

Удмурт Дунне
By Удмурт Дунне Июль 8, 2016 13:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмуртилэн Тӧроез Александр Соловьев вуылӥз Балезино ёросэ, отын со кӧня ке пумиськонъёс ортчытӥз.

балезино

Удмуртилэн Тӧроез Александр Соловьев вуылӥз Балезино ёросэ.

Балезино каргуртын куашкан калэ вуэм юртъёсын улӥсьёсты выль интые выжтон программая 3 корка пуктӥське. А. Соловьев нырысь ик кожиз отысь лэсьтӥськисьёс доры, югдурен тодматскиз. Собере дыртӥз Эркешево гуртэ — таяз «Кеп» огазеяськон 900 йырлы выль комплекс ӝутэ. Туннэ нуналлы 3 гид йылаз-пумаз вуттэмын ни — 600 кысконо скалъёс отчы интыямын. Дасямын 4-тӥ гидлы инты но.

Комплексын инъямын туала куронъёслы тупась выль техника. Соин валче фермаын ужасьёслэн лыдзы кулэстэмын, нош кылемъёсызлэн уждунзы 1 но ӝыны поллы йылэтэмын. Йӧл поттонзэс гуртоос ог 22 процентлы будэтыны быгатозы, 2017-тӥ арозь сое 7 сюрс тоннаозь вуттыны кулэ. Ферма асдунзэ, 60 миллион манетэз,  6 ар ӵоже берыктоз.

NIK_0833 фото Карипов Э

Выль гидын чылкыт но югыт.

Сергино — элькунмылэн тужгес уйпал гуртэз. Но шоркарлэсь, ёрос центрлэсь кыдёкын луэмез шоры учкытэк, отысь музъем ужасьёс пудо вордоназы выль амалъёсты куто. Отын 300 йырлы ферма пуктэмын, пудоез утялтэ робот. Чакламын на эшшо 100 йырлы гид ӝутыны, таяз но ужалоз робот. Проектлэн дуныз — 136 миллион манет, со пӧлысь 64 миллион манетэз кошкоз тӥрлык басьтонлы. А. Соловьев  сергиноослэсь тыршемзэс но туж умоен пусйиз:

— Гуртоос, вылӥысь косонъёсты возьмаса, уг уло, уг ӝожтӥсько, коньдон ӧвӧл шуыса, азьлане вамышто, йӧл поттонзэс йылэто. Оскисько, таӵе мылкыдын уло мукет интыосысь пудо вордӥсьёс но. Угось озьы гинэ асьмеос быдэстыны быгатом азямы пуктэм ужпумез: 2020-тӥ арозь йӧл кысконэз 1 миллион тоннаозь вуттоно.

Сергей Захаров

Удмурт Дунне
By Удмурт Дунне Июль 8, 2016 13:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<