Кызьпу арамаын ортчоз Виль шулдыръяськон

Удмурт Дунне
By Удмурт Дунне Июль 27, 2016 12:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь Кызьпу арамаын 2-тӥ августэ 18 часын ортчоз выль урожайлы сӥзем Виль шулдыръяськон.

Ужан нунал тупа бере, юмшанлы 2 но ӝыны час висъямын. Но та вакчи дырез но туж тунсыко ортчытыны луоз, шуэ ужрадэз радъясь, «Дэмен» огазеяськонлэн кивалтӥсез Роман Дементьев.

Арысь аре Виле тросгес но тросгес калык кыстӥське. Таяз рад но 1 сюрс 800 пала адямиос лыктозы шуыса, чакламын. Ӵапак тамында муртлы пӧзьтыны медо ческыт ӝук. Выль урожай понна тау карыса, азинлык курыса ӝукез вӧсяны ӧтёзы Алнаш ёросысь вӧсясьёсты.

— Калыклэн мылкыдыз задор медло шуыса, шулдыртозы тодмо артистъёс: Иван Котельников, Алёна Тимерханова, Андрей Корнилов но Геннадий Кузнецов, — шуэ Роман Дементьев. — Со сяна, быгатонлыкъёсынызы паймытозы Ижысь фольклор коллективъёс: «Ӟардон», «Задор мылкыд» но «Эшъёс». Со куспын радъямын луоз тужгес удалтэм но аспӧртэм бакча сиёнлы конкурс. Калык та конкурсэ арысь аре мыло-кыдо пыриське. Ог-огзылы бакча сиёнъёсынызы ушъясько. Соин ик тужгес устооссэ дуно кузьымен пусйытэк ум кельтэ. Радъяломы воргоронъёс понна но вожвылъяськонъёс. Табань но перепеч кутыны дышетскисьёслы ӟырдатэм гур азьын мастер-класс возьматозы шаерысьтымы дано артистъёс. Пиналъёслы но мӧзмыны ум сётэ: Кызьпу арамае вуттэмын луозы ишак, верблюд но мукет аспӧртэм животъёс, таос вылын ворттылыны но, туспуксьыны но луоз. Радъяськоз сиён-юонэн вуз карон. 0+

Елена Сараматова

Удмурт Дунне
By Удмурт Дунне Июль 27, 2016 12:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<