Ӟечcэ лэсьтыны секыт ӧвӧл

Удмурт Дунне
By Удмурт Дунне 27 июля, 2016 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
шуов

Андрей Васильевичлэн ужан планаз одно ик чакламын ӟеч ужъёс лэсьтон.

Удмурт Элькунысь Кун Кенешысь депутатэз Андрей Шутовез ӟеч тодо Сарапул но Кияса ёросъёсын, озьы ик Дэри ёросысь Бабино муниципал кылдытэтын.

 

Кема аръёс ӵоже депутат луыса Андрей Васильевич ӟеч тодэ азяз пуктэм куронъёсты, калыклэсь шугъяськонъёссэ. Адямиослэсь куронъёссэс котьку сак кылзоз, юрттыны тыршоз.

Мар юрттэ депутатлы бырйисьёсыныз огкыл шедьтыны? Андрей Шутов вӧзын ужа быръён округысьтыз югдурез син шораз возись команда. Кыӵе ке ужпум кылдэ ке, соку ик сое эскерон борды басьтӥсько. Озьы нуналлы быдэ быдэстӥське депутатэн пуктэм курон: «Округысь ужпумъёс — милям сюлмаськонмы!»

Андрей Васильевичлэн ужан планаз одно ик чакламын ӟеч ужъёс лэсьтон. 16 ар ӵоже депутат луытозяз, пӧртэм юрттэт сётӥз округаз улӥсьёслы, визьмо но быгатӥсь нылпиослы, ужысь но ожысь ветеранъёслы, школаослы, нылпи садъёслы, культура юртъёслы но калыклы улон-вылонын юрттэт сётӥсь учреждениослы. Депутат тужгес но бадӟым саклык висъя быдэ вуымтэослэн Кияса ёросысь реабилитацияя центрзылы, Сарапул ёросысь Оленье Болото гуртысь огнын кылем арлыдоослэн но инвалидъёслэн юртсылы, Уральский посёлокысь пыд-йылчи кылемъёслэн «Милосердие» приютсылы, Соколовка гуртысь школа-интернатлы.

— Нылпиосмылэн улон югдурзы капчи ӧвӧл. Тросэз соос шугъяськытӥсь семьяосысь, соин ик бадӟым праздникъёсы доразы бертыны уг дырто. Та пиналъёс понна саклык висъян но соос сярысь сюлмаськон котьмалэсь дуно, — вера Соколовкаысь школа-интернатэн кивалтӥсь Татьяна Антропова.

Школа-интернатын уло но дышетско 7 аресысен 16 аресозь 80-лэсь ятыр пиналъёс. Соос шӧдытэк уг уло улон-вылонзы сярысь сюлмаськемез. Андрей Шутовлэн юрттэмезъя котькуд Выль аре, Паскае но Нылпиосты утён нуналэ праздникъёс радъясько — шудонъёсын, конкурсъёсын, ческыт  сиёнъёсын но кузьымъёсын. Таяз Выль арлы, кылсярысь, пиналъёс Тол бабайлы асьсэ куронъёсынызы гожтэтъёс келязы. Праздник азьын Тол бабай но Лымы ныл нылпиосты но дышетӥсьёсты Андрей Шутовлэн нимыныз ӟечкылазы но кема возьмам кузьымъёсын шумпоттӥзы.

Кун Кенешлэн депутатэз палэнэ ӧз кельты Паскаез но. Нылпиос понна радъямын вал курегпуз буянъя мастер-класс.

Ӟеч уж лэсьтыны секыт ӧвӧл, со понна берытсконо адями пала, валано солэсь сюлмаськонъёссэ, адӟоно шуг-секытъёссэ. Дуннеез берыктыны уд ке но пӧрмыты, сое ӧжыт ке но умойгес но шунытгес карыны луонлыкъёс вань, лыдъя Кун Кенешлэн депутатэз Андрей Шутов.

Сергей Захаров

Удмурт Дунне
By Удмурт Дунне 27 июля, 2016 10:00 Updated