Югдурез утён: Ворсам музей, пытсамтэ штрафъёс но алимент тырисьтэмъёс

Удмурт Дунне
By Удмурт Дунне Июнь 16, 2016 09:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

mvd_0.jpg.crop_displayӴужисько часэн-часэн

Штрафъёссэс пытсаны дыртӥсьтэм адямиосты судъя приставъёс визьмало ужатыса. Туэ 5 толэзь куспын сыӵеос элькунамы 2 сюрс 758 пусъемын.

Кылсярысь, Алнаш ёросысь воргоронлэн 7 штрафез люкаськем. Табере со 140 час ульчаосты ӵужыса ветлоз. Дэри ёросын улӥсьлы 200 час ужано луоз. Можга ёросысь кышномурт тыршоз 150 час. Дэбес черкогуртысь 3 адямиос чылкытатӥськон ужъёсын вырозы оглом 1 сюрс 190 час. Судъя приставъёсты тужгес паймытӥз Якшур-Бӧдья ёросысь пиосмурт: 28 тыриськонэз вылэм. Со 640 час џоже ӵужонэн-лопаткаен ветлоз.

Та адямиосты сак чакла судъя пристав-исполнитель. Кин ке ужаны уг лыкты ке, вазиське судэ. Озьы законэз тӥям мурт 15 уй-нуналлы кечат-вамат укно сьӧры шеде.

 Келяськон

Миграцияя законъёсты тӥямзы понна толон 4 адямиос келямын вордӥськем палъёсазы — Узбекистанэ.

Воргоронъёсты нуизы «Газель» машинаен. Со огшоры ӧвӧл: укноосыз кечат-вамат кортэн шобыртэмын, пушказ вань кышкытлык сярысь ивортӥсь кнопкаез, видеокамераез. Мигрантъёсты нулло Нефтекамск, Уфа, Казань городъёсысь аэропортъёсы.

Законэз тӥямзы понна туэ вордӥськем палъёсазы берыктэмын ни 45 адями. Пӧлазы тужгес трос Армениысь, Азербайджанысь, Таджикистанысь, Грузиысь, Узбекистанысь но Украинаысь вуэмъёс.

 Музеез ворсазы

Роспотребнадзорен но Прокуратураен валче ужаса, судъя приставъёс 54 объектэз ворсазы.

Вань та интыосын тӥямын санитарно-эпидемиологической куронъёс. Алигес пытсамын вал Глазов городысь вуз каронъя центрысь 2 пичи магазин,  Ижысь сӥльын но сӥль сиёнъёсын вуз каронни, Вотка ёросысь дунын эмъянъя кабинет. Озьы ик ужзэс огдырлы дугдытоно луизы музей, школа, 2 кафе, пилорама но сӥль пыжон инты.

 Пегасьёсты зуркатъяло

Котькуд нунал судъя приставъёс зуркатъяло алимент тырисьтэм ог 70 адямиез.  

Туэ шаерамы 462 мурт вылэ ӝутэмын 157-тӥ статьяя — алимент тыронлэсь пеган — уголовной уж. Таос пӧлысь судъя приставъёсты тужгес абдратӥз Ижысь Устинов ёросысь воргорон. 2 быдэ вуымтэ нылпиосызлы тыриськонъёсыз ог 2 миллион манетозь люкаськиллям.  Нош Шаркан черкогуртын улӥсь, судъя приставъёсты адӟыса, кышкатскиз — 225 сюрс манет алиментсэ соку ик пытсаз. Дэри ёросысь пиосмуртлэн 200 сюрс тыриськонэз вал. Та понна солэсь «КамАЗ» машиназэ талазы. Воргоронэз кунгож сьӧры потаны ӧз лэзе. Ярам, ӧжыт улыса, со визьмаськем: уже интыяськем но вань тыриськонъёссэ пытсам.

  Ольга Корепанова

 

Удмурт Дунне
By Удмурт Дунне Июнь 16, 2016 09:55 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<