Выль Вамья гуртын Людмила Кутяновалы стела усьтӥзы

Удмурт Дунне
By Удмурт Дунне 21 июня, 2016 10:57
Кутянова

Ӵукна ик Выль Вамья гуртын чузъяськизы Людмила Кутяновалэн «Белая лилия» но «Басьты мыным шаль» кырӟанъёсыз.

Ува ёросысь Выль Вамья гуртлы 300 ар тырмиз. Таин валче та гуртын будэм кылбурчилы Людмила Кутяновалы (Айтугановалы) стела усьтӥзы.

Ӵукна ик Выль Вамья гуртын чузъяськизы Людмила Кутяновалэн «Белая лилия» но «Басьты мыным шаль» кырӟанъёсыз. Кылбурчи озьы вань гурт калыксэ дораз ӧтиз кадь.

Зэм ик но, быдэс гурт клуб доры люкаськиз. Булай шор ёзо школаысь пиналъёс Людмила Кутяновалэсь кылбуръёссэ лыдӟизы. Культура юртын ужасьёс кырӟанъёссэ быдэстӥзы. Людмила Дмитриевналэн улэм сюресэныз тодматыса, со сярысь тодэ ваёнъёссэс веразы пичи дыр но школаын ӵош дышетскем эшъёсыз, ӵыжы-выжыосыз. Удмурт кун университетын ӵош дышетскемзы но кылбур дуннеен эшъяськемзы пумысен мадиз кылбурчи Татьяна Чернова. Стела усьтонэ озьы ик вуылӥзы Людмила Кутяновалэн Владимир кузпалыз но Дмитрий пиез.

Стелаез усьтӥзы Ува ёрос администрацилэн йырызлэсь ужзэ быдэсъясь Надежда Лохтина, Булай муниципал кылдытэтэн кивалтӥсь Ирина Никифорова но кылбурчилэн сузэрез Роза Матвеева.

— Ӵапак туннэ, гуртмылы 300 ар тырмон нуналэ, кемалась малпам ужмы быдэсмиз, Людмила Кутяновалы стела усьтыны быгатӥм, — вера Булай муниципал кылдытэтэн кивалтӥсь Ирина Никифорова. — Булай шор ёзо школаын нырысьсэ 2011-тӥ арын Кутяновалы сӥзем лыдӟонъёс ортчытӥм. Кыкетӥзэ — 2013-тӥ арын. Сояз но, таяз но быдэс республикаысь дышетӥсьёс, кылбурчиос, тодосчиос, школаын дышетскись пиналъёс но студентъёс пыриськизы. Со нуналъёсы ик удмурт кыллы дышетӥсен Анна Дедюхинаен милям йырамы малпан чилектӥз: Людмила Кутяновалы вордӥськем гуртаз стела пуктоно. Но дыр ортче но ортче, малпам ужмы нокызьы интыысьтыз уг вырӟы — ваньмыз уксё вылэ пыкъяське. Булай муниципал кылдытэтлы сяна, бадӟым тау шуэме потэ Людмила Дмитриевналэн сузэр-вынъёсызлы — соос но апайзылы стела пуктыны уксёзэс сётӥзы. Табере литератураен герӟаськем ужрадъёсмес та стела дорын ортчытъяны быгатом. Гурт калык но будӥсь нылпиос удмурт литературае чебер пытьы кельтэм кылбурчиез, тодосчиез, Ашальчи Оки нимо премилэсь лауреатсэ, Удмурт Республикаысь культура удысысь дано ужасез ноку уз вунэтэ.

Любовь Тихонова

 

Удмурт Дунне
By Удмурт Дунне 21 июня, 2016 10:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<