Вутэк какалмон

Удмурт Дунне
By Удмурт Дунне 29 июня, 2016 15:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
архив4

— Огез шапык — ки миськыны, кыкетӥез — пинь сузяны.

Куд-ог гуртъёсын пӧсь куазьлэсь кышкало: арлы быдэ уго окыт дыръя вулы ёрмо. Пичи Пурга ёросысь Пугачёво черкогуртын ог 3 арня чылкыт юон вузы ӧвӧл.

— Кыкетӥ арзэ курад-ӟиськомы ни, — лулӟылэ Пугачёво черкогуртысь Булат Шайхутдинов. — Коркам ву гумыос кыскемын, но али одӥг шапык но отысь уг вия. Центральной урамысьтымы колонкаысь гинэ но ву басьтыны уг луы. Ёросысь ЖКХ-ысь диспетчеръёслы быдэс гуртэн жингыръяськомы. Соослы маке шат! Азбарады, пе, скважина гудэ. Малы соку мон коркам ву кыски? Артысь Киров урамын улӥсьёс картошказэс гинэ но вуэн пазяло. Нош ми гочаса учкиськомы.

Урамысь ог 600 коркан улӥсьёс вутэк какалмо ни. Малы таӵе югдуре вуэмын гуртоос? Валэктон сётэ ёросысь «Малопургинское ЖКХ» огазеяськонэн кивалтӥсь Анатолий Тимеев:

— Пугачёвоос гинэ уг курадӟо. Яган-докъяос но вутэк пуко. Ёросысь ог 80 процентэз ву гумыос сисьмемын. Корт трубаос 10-12 ар сяна уг чидало, нош ёросын соос 20 арлэсь кема кутӥсько ни. Чугун гумыосты 8 ар сяна возьыны уг яра, таосты но дыраз вошъяны коньдон уг сюры. Асбестлэсь гумыосты вулы кыскыны законэн алэмын ке но, соос но ёросын вань на. Пугачёвоын насос урод. Соин ик вузэ коркаос дорозь кыскыны уг вормы. Сое воштоно шуыса, азьвыл ик ёрос кивалтӥсьёсын вераськылӥ ни. Вань ву гумыос, скважинаос уго Пичи Пурга муниципал кылдытэтлэн лыдъясько, милемлы ваньзэ сое арендае гинэ сёто. Капитальной ремонт лэсьтыны уксё висъян но администрация вылын. Соин ик насос но соос басьтыны кулэ. Но кивалтӥсьёс, бюджетын уксё ӧвӧл, шуо. Насос басьтӥзы ке, ужасьёслы уксё тыризы ке, ми ваньзэ ӝегатскытэк воштом. Ог 90 сюрс манет кулэ. Но тае но уг шедьто, лэся. Администрацилы кулэ вылэм кӧня ке азьпала учкыса ужаны, план лэсьтыны, кытын ку мае воштоно. Соку калык ӧй курадӟысал. Тӥяськемез бере ӟырдатэм таба вылын кый кадь тэтчась луиськомы.

Специалистъёс али котыр ласянь эскеро Пугачёвоысь скважинаосты. Черкогуртын соос 3. Башняосын вуэз тросаз, нош калык дорозь со уг вуы, шуэ Пугачёво гурт поселениен кивалтӥсь Эдуард Султанов. Кытын ке авария луэ ке, ЖКХ-ын ужасьёс тупато, но бадӟым ужез бералтыны ёрос администрация юрттытэк уг луы. ЖКХ-лэн ваньзэ ас уксёеныз лэсьтэмез уг пот, администрацилэн коньдонэз ӧвӧл. Висказы — курадӟись калык. Калыклы чылкыт юон ву пожарной машинаосын ваемын.

Шӧкыч уром

Суредаз Василий Пахомов

Удмурт Дунне
By Удмурт Дунне 29 июня, 2016 15:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<