«Воршуд» фестивале вуизы 40-лэсь ятыр ансамбльёс

Удмурт Дунне
By Удмурт Дунне Июнь 3, 2016 19:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

SONY DSC

Туннэ Ижысь Киров нимо паркын бадӟым фин-угор концертэн усьтӥськиз «Воршуд» фестиваль. Одӥг сцена вылын асьсэ эктон-кырӟанъёсынызы тодматӥзы Пермь, Киров, Коми улосвылъёсысь но шаерысьтымы калык ансамбльёс.

Кыӵе гинэ ансамбльёс вуэмын ӧвӧл та фестивале: коми-пермяк «Гажа баббез» («Шулдыр песянайёс»), коми «Югыдлань» («Югытлык доры»), бессермян «Лампачей» («Дунькалэн шумпотонэз»)…

— Дорамы 40-лэсь ятыр фин-угор коллективъёс лыктӥзы, — верало радъясьёс. – «Воршуд» фестиваль 2 арлы огпол ортче. Валля арын со фин-угор модалы ке сӥземын вал, туэ тӧр шорын – сюан.

Концерт 2 часлэсь ятыр кыстӥськиз. Калык киоссэс жалятэк чабиз «Чебеляй» студиысь пиналъёслэн эктэмзылы, Брангуртысь песянайёс сярысь тодэ вайытӥзы коми-пермяк «Дзульзянкаэз» («Кырӟасесь») ансамбльысь песянайёс, котьку сямен ик сюлмез шунтӥз «Айкай» ансамбль.

Ужрадлэн пумаз вань калыкъёс бадӟым фин-угор эктонын огазеяськизы.

Тодады вайытӥськом, ӵуказе Киров нимо паркын ик ортчоз сюанлы сӥзем ужрад. Пӧртэм калыкъёс возьматозы сюан сям-йылолъёссэс. Собере куноос ширтозы Эгра ёросысь Сундур гуртысь Лӧпшо Педуньлэн юртаз, Пичи Пурга ёросысь Улӥ Пӧсьтол гуртэ. Со дыре Шаркан ёросысь Тол Бабайлэн юртаз быдэс элькунысь пиналъёс «Гуждор» фестивале люкаськозы.

Мария Векшина

Удмурт Дунне
By Удмурт Дунне Июнь 3, 2016 19:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<