Вань нылпи лагерьёсын эскеронъёс ортчытоно

Удмурт Дунне
By Удмурт Дунне 30 июня, 2016 15:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
070593,пионер,скульптура,лагерь Лесная сказка

Та вакытлы элькунамы 700 пала лагерьёс усьтӥськемын, городъёс сьӧрын сяна, соос ужало тросаз школаосын но.

Удмуртилэн Тӧроез Александр Соловьев куриз: та арня вискын вань нылпи лагерьёсын эскеронъёс ортчытоно.

Карелиын луэм шукрес учыр быдэс Россиез зуркатӥз: сильтӧл ӝутскыса, нылпиосын кык пыжъёс кымалскизы. 14 пинал бырыны шедиз. Лагерьлэн кивалтӥсьёсыз тодо вал куазьлэсь кыӵе луонозэ, озьы ке но ву вылэ потонлэсь соос ӧз алэ.

Кышкытлыклэсь уте-мын-а асьме лагерьёсысь нылпиос? Та юанлы валэктон  матысь дыре ик луыны кулэ, та сярысь журналистъёслы ивортӥз Александр Соловьев.

Дышетонъя но наукая министр Алексей Мирошниченко верамъя, та вакытлы элькунамы 700 пала лагерьёс усьтӥськемын, городъёс сьӧрын сяна, соос ужало тросаз школаосын но. Гужем ӵоже отын шутэтскыны, тазалыксэс юнматыны кулэ 122 сюрс пала пиналъёс. Министерствоын уг вато: лагерьёсы визьнодасьёсты шедьтыны капчи ӧвӧл. Соин ик отысь вожатойёс пӧлысь данакез — студентъёс. Угось совето вакытэ вожатойёсты дасянлы нимысьтыз саклык висъяськылӥз ке, бӧрысь со ваньмыз вунӥз-ышиз. Таин валче та ужпум борды элькунамы али выльысь берытскыны чаклало.

Тазалыкез утёнъя министр Алексей Чуршин сюлмаськемзэ вераз:

— Нылпиосты лагерьын гинэ ӧвӧл,  дорын но чаклано. Жаляса верано, туэ 5 толэзь куспын 17 нылпилэн улонэз куспетӥ луиз ни. 4 вож нуныез анайёс кӧлыкузы пачкатӥзы, 3 пинал укноысь усиз, 2-сэ ток шуккиз… Вань асьсэды быдтӥсьёс но. Озьы кылем арня пумын гинэ поезд улэ ачиз пыриз Можгалась медколледжын дышетскись нылаш…

Та учыръёсты алыны луысал, котырысь адямиос сакгес кариськысалзы ке. Сюлмаськонъёс-куректонъёс зӥбыку, адямиос мед вазиськозы вылэм специалистъёс дӥне. Нылпиосын герӟаськем учыръёсъя жингыртыны луоз 8(3412) 65-80-72, 65-80-73 яке 8-800-100-09-06 номеро телефонъёсъя. Отчы жингыртыны но юрттэт басьтыны быгато кызьы нылпиос, озьы ик анай-атайёс но.

Элина Васильева

Туспуктӥз А. Горбунов

Удмурт Дунне
By Удмурт Дунне 30 июня, 2016 15:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<