Ижын лэсьтэм автомобильёс кунгож сьӧры кошкозы

Удмурт Дунне
By Удмурт Дунне 8 июня, 2016 08:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
глава

Николя Мор автомобиль поттонъя холдинглэн президентэз луиз оштолэзе.

«АвтоВАЗ» огазеяськонлэн выль президентэз Николя Мор Ижысь автозаводэ вуылӥз. Автозаводлэсь ужзэ умоен пусйиз.

Николя Мор автомобиль поттонъя холдинглэн президентэз луиз оштолэзе. Солэсь азьвыл Венгриысь заводъёсын кивалтӥз.

«АвтоВАЗ»-лэн президентэз элькун Тӧроен пумиськиз. Александр Соловьев но Николя Мор автозаводын потӥсь «Лада» автомобильлэн модельёсыз но элькун ласянь заводлы юрттон сётон сярысь кенешизы.

— Лад-лад лэсьтэм «Лада Веста» машинаосты Россиын мыло-кыдо басьто. Оштолэзьысен та марка тужгес но ӵем вузаськись машинаос пӧлы пыре. «Лада Весталэн» дуно версиез ӝоген потоз шуыса оскисько, — вераз Н. Мор.

Николя Мор элькун кивалтэтлы таукарон кылъёсын вазиськиз, автозаводмы секыт аръёсы но вордӥськыны юрттэмзы понна.

— Азьланьын трос малпанъёс но выль проектъёс. Соос ваньзы элькунлы туж пайдаё луозы: автомобиль поттон удысын Удмуртиын уно калык тырше, элькун бюджетэ ватсаса коньдон вуэ. Налогъёсъя нимысьтыз политикаен, автозаводлэсь ужзэ кужмоятыны тыршиськом, — вераз Александр Соловьев.

Удмуртилэн шоркараз лэсьтэм «Лада Веста» автомобильёсты кунгож сьӧры вузаны кутскозы. Ар пумын машинаосты Казахстанын но бичаны кутскыны малпало.

«АвтоВАЗ» холдинглэн выль президентэз малпа кунгож сьӧрысь предприятиослэсь Россиын ужзэс радъяны — автомобильлы ёзъёс одӥг азьын мед лэсьтӥськозы шуыса.

«ИжАвтолэн» директорез Михаил Рябов вераз: нунал куспын автозаводын 500-лэсь трос автомобильёс бичало. 340-эз со пӧлысь — «Лада Веста». Ар кутсконэн ӵошатыса, али та маркаен кык поллы тросгес автобильёс конвейерысь пото.

Павел Вахрушев

Удмурт Дунне
By Удмурт Дунне 8 июня, 2016 08:40