Удмурт сюанын шулдыръяськоз быдэс кун

Удмурт Дунне
By Удмурт Дунне 14 июня, 2016 14:52
Н. Князева но Р. Журавский удмурт сюан ортчытозы Коломнаысь  кремльын.

Н. Князева но Р. Журавский удмурт сюан ортчытозы Коломнаысь кремльын.

Москвалэсь кыдёкын ик ӧвӧл — Коломнаысь кремльын — 12-тӥ июне ортчоз «Одӥг страна — одӥг семья» фестиваль. Пӧртэм выжыысь егитъёс сюанзэс шудозы одӥг дыре — Россилэн нуналаз.

Удмурт Элькунлэн Тӧроезлэн Россиысь Президент бордын ужась представительствоез берло толэзьёсы бадӟым уж нуиз: утчаз та ужрадэ пыриськыны мылкыд карись удмуртъёсты.

Но чылкак удмурт парез шедьтыны ӧйлась. Вуоно кен — Балезино ёросын вордскем удмурт нылаш Наталья Князева, вуоно эмеспи — Эстониын будэм пияш Роман Журавский. Наташа йылпумъямын Глазовысь пединститутэз, берло 10 арзэ улэ ни Москваын. Роман Москвае улыны выжемын 20 ар талэсь азьло. Вуоно кузпалъёс пырисько Москваысь удмурт землячестволэн, мукет калык огазеяськонъёслэн ужрадъёсазы.

— Сюанмес сотэк но шудыны малпаськомы вал ни, соин ик йырмес кема ӧм тӥялэ: паръёсты быръёнъя конкурсэ ӵектӥськимы. Коломнаын, удмурт дӥсен пӧрмытскыса, гожтӥськомы, калык сямъёсты-йылолъёсты возьматомы. Со бӧрсьы бертыны малпаськомы Балезино палъёсам. Отын гурт калыкен, ӵыжы-выжыосын удмурт сямъёсъя шулдыръяськомы. Нош сӥзьыл сюанмы луоз Эстониын, — шуэ Наталья.

Удмурт сюанэз фестивальын адӟытон понна вуоно кенлы-эмеспилы кулэ луозы удмурт дӥсьёс, пӧртэм арбериос. Фестивале ӧтьыны чак-лало Удмуртиысь артистъёсты. Со сяна, Коломнаын чакламын Удмуртилы сӥзем сэрег усьтыны. Отын элькунысьтымы Киужъёсъя центрысь усточиос лэсьтэм арбериоссэс возьматозы, вузалозы.

Елена Никитина

 

Удмурт Дунне
By Удмурт Дунне 14 июня, 2016 14:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<