Удмурт пиналъёс шулдыръяськизы Пичи Герберын

Удмурт Дунне
By Удмурт Дунне Июнь 8, 2016 11:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Покчи Гербере нылпиос гинэ ӧвӧл, пырисько анай-атайёс но, садикысь вань ужасьёс.

Пичи Гербере нылпиос гинэ ӧвӧл, пырисько анай-атайёс но, садикысь вань ужасьёс.

Нылпи садэ вуиз Музъем мумы…

Ижысь Коммунаров ульчаысь нылпи садын (К. Герд нимо садлэн ёзэз) 7-тӥ июне ӵукна ик юр-яр вазиз. Татысь возь вылын витетӥзэ ни радъяськиз покчиослэн Герберзы.

Шулдыръяськонэз усьтӥз садлэн директорезлэн воштӥсез Надежда Куртеева. Со нылпиослы но празднике лыктэм анай-атайёслы капчи мылкыд сӥзиз. Нош собере нылпиос сӥё-дано ӝутӥзы Пичи Герберлэсь флагзэ. Бадӟымъёсызгес «Ойдолэ, мыном шудыны…» кырӟаса, возь кузя берганы ӧдъязы. Но тани кытӥ ке ӧвӧл, гудыръям кылӥськиз, нылпиос азе ачиз Музъем мумы потӥз. Музъем ваньзэсты бугатӥз: эн, пе, куалектэ, Инву лыктэ, зорез вае. Зориз ке, бакча-сиёнъёс, емыш будоз. Инву бӧрсьы вуиз Шунды мумы. Мон, пе, шунытме сёто, ваньмыз чеберскоз. Кутске зэмос шулдыръяськон. Брангуртысь песянайёслэн кырӟамзыя флэш-моб радъяське, пичиез но бадӟымез но эктыны пото.

Пичи Гербере нылпиос гинэ ӧвӧл, пырисько анай-атайёс но, садикысь вань ужасьёс. Надежда Тихоновналэн верамезъя, азьвыл аръёсы шулдыръяськонэ Балезиноысь пиналъёс но вуылӥзы. Но автобусэн шугъяськонъёс кылдэмен, туэ палэнысь нылпиос ӧй вал.

— Туэ шулдыръяськон сӥземын анай-атайёслэн но нылпиослэн кусыпъёссылы, ӵош шудыны, ужаны, шулдыръяськыны быгатэмзылы, — пусйиз К. Герд нимо садысь удмурт кылъя дышетӥсь Светлана Николаева.

Ӵапак солэн кичӧлтэмезъя 2012-тӥ арысен та праздникез ортчытъяны кутскизы. Пичи Гербер ортче бадӟымъёслэн Герберзы выллем ик. Но отын тросгес саклык висъяське удмурт калык сямъёслы, анай кылэз дышетонлы. Праздник дыръя ик нылпиос кеньыр бичаса ветло, котькуд группа аслэсьтыз люкамзэ сётэ. Бӧрысь та кеньырлэсь ӝук пӧзьто.

Бадӟымъёсызгес «Ойдолэ, мыном шудыны...» кырӟаса, возь кузя берганы ӧдъязы.

Бадӟымъёсызгес «Ойдолэ, мыном шудыны…» кырӟаса, возь кузя берганы ӧдъязы.

Пичи Герберын пиналъёс пӧртэм шудон азбаръёстӥ ортчизы, шудон бакча сиёнъёслэсь шыд пӧзьтӥзы, удмурт эктонъёсты тапыртӥзы, пӧртэм пӧйшуръёслэсь удмурт нимъёссэс тодыны тыршизы, гозы кысказы но мукет. Пичи Герберез йылпумъяса, пичиос кырын ик сӥльын ӝук сиизы,ческыт чай юизы. Котькудӥз басьтӥз на нимысьтыз ческыт кузьым: удмурт пужыё шоколад но сок.

Пичи нылпиослэсь шулдыръяськонзэс учкыны, удмурт садын тыршисьёслэсь ужан амалъёссэс асэстыны вуылӥзы республикамылэн ёросъёсысьтыз воспитательёс но. Ӝук ваньзылы тырмиз. Пичи Гербер йылпумъяськиз гинэ, гудыръяса-гудыръяса зэмос зор вуиз. Но пиналъёслы со кышкыт ӧй вал ни…

Елена Васильева

Удмурт Дунне
By Удмурт Дунне Июнь 8, 2016 11:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<