Сюан дэрем уг тузонӟы!

Удмурт Дунне
By Удмурт Дунне 30 июня, 2016 10:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
0108334

Сяська керттэт лобе баскетбол кульчое.

26-тӥ июне Ижысь Киров паркын данак тӧдьы дэремен тузӥ буяськем нылъёс поръязы. Ваньзы огнуналэ бызьыны чак-лаллям, шат? Ӧвӧл — Егитъёслэн нуналзы улсын соос выль кенъёслэн марафоназы лыктӥллям.

Арлы быдэ Егитъёслэн нуналазы нылашъёс, кин ке нырысьсэ но огшаплы ке но, мукетъёсыз — выльысь, выль кенлы пӧрмытскыны быгато. Арысь аре та ужрад данак адямиосты люка. Туэ но отчы 58 шоголиос пыриськизы. Тросэз быдэс семьяосынызы (кузпалъёсынызы, нылпиосынызы), эшъёсынызы вуылӥллям.

Ижысь Светлана Шолохова таӵе марафонэ арлы быдэ пыриськылэ. Кылем арын нимтэмчиньыяз зундэс кылдӥз ни ке но, сюан дэремзэ выльысь мертанлэсь ӧз ӵыды. Юромо та нунал понна йырсизэ парикмахер дорын чебермаз.

Тӧдьы юсьёслы укшась нылашъёс понна пӧртэм ӵошатсконъёс малпамын вал. Нырысь ик выль кенъёс люкаськем калыкез задор крезьгур чузъяськемъя  шулдыртӥзы. Собере парк котырын ватӥськем арбериосты утчазы. Тумошо адӟиськиз: нылъёс, дэремъёссэс ӝуткаса, пыдазы кроссовкиосын тачыр бызьылӥзы. Нырысь-а, берло-а вуизы — финишын котькудзэ пичи кузьымен пусйизы. Финиш гожез берло ортчемъёс писпу мерттӥзы на.

Выль кен ӟеч сямъя сяська керттэт лэзья. Татын но та сям-йылоллэсь ӧз палэнтӥське. Но нылашъёс сяськазэс баскетболэн шудонъя кульчое куязы.

Ангелина Снигирёва

Туспуктӥз А. Горбунов

 

 

Удмурт Дунне
By Удмурт Дунне 30 июня, 2016 10:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<