Сётозы-а анайлы капитал?

Удмурт Дунне
By Удмурт Дунне 14 июня, 2016 13:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

«Нырысетӥ нылпие быдэ вуэмын ни, сётозы-а мыным 2-тӥ нылпи понна анай капитал?»

Ольга Иванова., Пичи Пурга ёрос

 Валэктон сётэ Пенсиосъя кун фондысь калыклэн вазиськонъёсыныз ужанъя ёзлэн кивалтӥсез Татьяна Кудрявцева:

— Та сертификатэз кинлы сётон пумысен тупен-тупен пусъемын «Анай капитал сярысь» 256 номеро федерал законын. Анай капитал басьтыны правозы вань таӵе категорие пырисьёслэн: нылкышнолэн — пиналзэ вайиз ке 2007-тӥ арын 1-тӥ январь бере; 2-тӥ (яке со бӧрсьы) нылпиез усыновить кариз но анай капиталэз со дырозь ӧз басья на ке; воргоронлэн — кыкетӥ (яке со бӧрсьы) пиналлэн законэн юнматэм усыновителез луэ но судлэн та пумысен решениез быдэсъяськыны кутске ке 2007-тӥ арын 1-тӥ январь бере. Анай-атай (усыновитель), озьы ик 2-тӥез (яке со бӧрсьы) пинал одно ик Россилэн кунмуртъёсыз луыны кулэ. Нялтас вераса, анай капиталэз басьтыны правоез вань нылпилэн но — анай-атаез кыкназы ик улонысь кошкемын ке, яке анай-атай луон правозылэсь мозмытэмын ке, яке пиналзылы пумит йыруж лэсьтэмын ке. Та учыръёсы капитал люкиське вань нылпиослы огкадь люкетэн: 18 арес тырмытозязы, нош очной амалэн дышетско ке, 23 арессы вуытозь.

Законын номыр пусъемын ӧвӧл нырысетӥ пиналлэн арлыдыз пумысен. Озьыен, нылды быдэ вуэмын ни ке но, тӥледлы анай капитал сётӥськоз. Со понна вазиськоно пенсиосъя ёзэ (улон интыдыя), куриськон гожтоно. Сьӧрады кутыны эн вунэтэ: паспорттэс, пенсиосъя свидетельствоез (СНИЛС), пиналды вордскем (яке сое усыновить карем) сярысь свидетельствоез, куд-ог учыръёсы — пиналлэн анай-атаез улонысь кошкемын, соослэн анай-атай луон правозы таламын шуыса документъёсты.

Анай капитал пумысен Пенсиосъя кун фондлэн Удмурт ёзаз трос вазиськонъёс вуо. Куд-огез герӟаськемын улэп вордскем но кӧня ке дыр ортчыса улонысь кошкем нылпиосын. Шуом, нылкышнолэн нырысетӥ пиналэз кулӥз, кышномурт кыкетӥзэ вайиз яке кыкетӥез вордскиз но, кӧня ке дыр ортчыса, улонысь кошкиз. Та учыръёсы сётӥськыны кулэ-а анай капитал? Пусйимы ни, сертификатэз басьтон понна пенсиосъя ёзэ кулэ луись документъёсты ваёно, со пӧлын — нылпи вордскем сярысь свидетельство. Кияды со вань ке (нылпиды улонысь кошкиз ке но), тӥледлы анай капитал висъяськыны кулэ. Вордскемзы бере арня куспын улонысь кошкем нуныослы 2010-тӥ арозь свидетельство ӧз сётъялэ. Валамон, анай капитал но та учырын ӧз висъяськылы. Бӧрысь юнматӥзы 241 номеро федерал законэз, отын пусъемын: арня ӵоже улэм но со бере улонысь кошкем пиналъёслы загс ёзъёс вордскем сярысь свидетельство сётыны кулэ. Лултэм вордскемъёсызлы таӵе документ уг сётӥськы, озьыен, анайлэн та капиталэз басьтэмез уз луы.

Удмурт Дунне
By Удмурт Дунне 14 июня, 2016 13:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<