Шундыкар: Малы дышозы пиналъёс 10 нунал ӵоже

Удмурт Дунне
By Удмурт Дунне Июнь 2, 2016 18:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Котькудӥзлэн аслаз сюресэз

«Шундыкар» лагерь туэ ӧсъёссэ усьтоз 19-тӥ гудырикошконэ. Кыӵе дышетӥсьёс ужалозы отрядъёсын? Мар соос дасязы пиналъёслы?

вася
Василий
Широбоков.

«Крезь лэсьтон» отряд.

— Университетын 3-тӥ курсын дышетскыкум, малпай: удмуртъёслэн вашкала крезьгуро инструмент лэсьтӥсьёссы малы ке ӧвӧл. Озьы удмурт крезьгуро инструментъёсты лэсьтылыны кутски.

«Шундыкар» лагере вуылӥ, школаын дышетскыкум, 3 пол: 1 пол — сюй мунё отрядэ, 2 пол — крезь лэсьтонъя отрядэ. Анатолий Петрович Степанов дышетэм улсын нырысетӥ араз лэсьтӥ пыжкрезь, нош мукетаз — кубыз. Берло малы ке со отряд пытсаськиз. Нош 6 ар ортчыса, Ольга Тронина ӧтиз монэ крезь лэсьтонъя отрядэ пиналъёсты визьноданы. Шумпотӥ. 2 арзэ пиналъёсын пыжкрезь лэсьтон огпӧртэм потӥз. Соин ик туэ пиналъёсын бадӟым крезь лэсьтыса эскером. Видео но пуктомы, кызьы со лэсьтӥське.

тихоноваТатьяна Тихонова.

«Эктон» отряд.

— Калык эктонъя мастер-классъёсты трос пол ортчытъяй ни ке но, та дырозь ноку но кема дыр ӵоже нимысьтыз программая ӧй ужалля. Но оскисько, ваньмыз пќрмоз. Удмурт кун университетын ветлӥ «Чипчирган» ансамбле. Али эктӥсько «Эктон корка» студиын. 6 ар вырисько ни калык кырӟанъёсын но эктонъёсын.

Эшеным Лиля Леонтьеваен кылдытӥм эктонлы сӥзем проект: вашкала эктонъёсты туала крезьгуръя быдэсъяськом. Пиналъёсын но таӵе амалъя ужаме потэ.

петроваАнастасия Петрова.

«Тележурналистика» отряд.

— Туэ мон «Шундыкаре» специалист сямен нырысьсэ мынӥсько. Пинал дыръям асме эскерылћ «Журналистика» отрядын. Малпай-а мон соку, ачим но куке дышетӥсь луо шуыса? Ӧй ик дӥсьтылы. Пиналъёслы нырысь ик мынам возьматэме потэ тележурналистикалэсь «гур азь палзэ»: кызьы но малэсь пӧраське репортаж, кӧня пононо кузьытсэ но ческытсэ.

Мынам анае но, атае но — журналистъёс, соин ик пичи дырысеным со омырен шокаса будэмын. Али ужасько «Удмуртия» ГТРК-ын журналист луыса.

богданБогдан Анфиногенов.

«Литература» отряд.

— Пиналъёс «Шундыкаре» сюрон понна дась шаблонъёсъя кадь лэсьтэм кылбуръёс келяло. Соин ик малпай: яратон сярысь кылбур г
ожтоно, «яратон» кылэз кутытэк. Выль кылъёсты мед утчалозы, творческой быгатонлыксэс мед усьтозы. Пиналъёслы лэсьтэме потэ нимысьтыз ужан тетрадь — текстъёсын но ужъёсын, малпасько, со туж кулэ луись арбери.

«Шундыкарын» — творческой омыр, шыпыт нюлэс, Интернет уг куты.

женяЕвгений Бикузин.

«Суредаськон» отряд.

— «Шундыкар» лагере та гужеме 4-тӥ арзэ дышетӥсь луыса мынӥсько ни. Нылпиосын пӧртэм темаосъя творческой ужъёс суредаськом. Яратӥсько йыре шуак-дуак лыктэм малпанъёсты. Озьы кылем арын куд-ог специалистъёсын ӵош кылдытӥм группа но гожтӥм «Малы ми» кырӟанэз. Кубызэн шудӥсько бере, юрттӥськисько куд-ог отрядъёслы — фольклорен яке эктонэн вырисьёслы.

Ижын алигес мынам суредъёсыным адӟытон ортчиз. Уж дорам крезьгуро инструментъёсты лэсьтӥсько. Крезьгурен вырисько, «Дукес» фолк-группаеным альбом гожтӥськом.

андреевВладислав Андреев.

«Эстрада» отряд.

— «Шундыкаре» сюрес мыным усьтӥськиз 2007-тӥ арын. «Шунды» огазеяськонлэн «Ӝужась кизилиос» конкурсаз вормеме понна мыным сыӵе кузьым лэсьтӥзы. Собере 2011-тӥ арозь котькуд ар ветлӥ вожатой луыса. Дышетӥсь сямен мынӥсько нырысетӥзэ. Ачим 7-тӥ арзэ ни ужасько Кузебай Герд нимо гимназиын крезьгуръя дышетӥсь луыса. Конечно, кӧня ке кышканэ вань, малы ке шуоно 10 нунал мон понна ӧжытгес. Малпанъёсы туж трос, но йырам ваньмыз радызъя интыямын ӧвӧл на. Соин ик возьмасько нылпиослэсь конкурсэ ужъёссэс, ваньзэ учкыса-чакласа, пиналъёслэсь быгатонлыкъёссэс лыдэ басьтыса, программа борды рос-прос кутско.

степановВладислав Степанов.

«Видеоискусство» отряд.

— Видео удысын азинскон мылкыды уг кысылы. Тодон-валанъёсме, вотэсысь статьяосты лыдӟыса, видео-осты учкыса, будэтӥсько. Кылем арын ветлӥ Эстониысь Циистреын ортчем киноя школае.

Жаляса верано, удмуртъёс пӧлын видеоен вырисьёс туж ичи. «Шунды» огазеяськонлэн удмурт шведингъя конкурсаз но туж ӧжыт ужъёс вуо. Видео лэсьтон понна кулэ тодыны, кызьы камераен ужано, кызьы чебер но шонер суредъёс пуктылоно, монтаж лэсьтоно. Та сярысь нырысь лекциос луозы, собере пиналъёс асьсэос уж борды кутскозы. Удмурт кырӟанлы клип лэсьтомы.

корепановДмитрий Корепанов.

«Театр» отряд.

— Ужасько Ижысь Эшъяськон юртын режиссёр луыса. «Театр» отрядэн смена ӵоже спектакль пуктомы. Но, жаляса верано, удмурт кылын нылпиослы пьесаос туж ичи. Кылем арын О. Туктаревалэсь «Легезьпу сяська тӧлӟыку» пьесазэ пуктӥм — нылпиос туж шумпоттытӥзы.

«Театр» отрядэ вуэм тросэз пиналъёс театральной кружокъёсы ветло, таосызлэн соку ик быгатонлыкъёссы, тодон-валанъёссы шӧдӥсько. Гуртъёсын улӥсь нылпиос туж устоесь, соослэсь быгатонлыкъёссэс кыре гинэ поттыны быгатоно, соку ваньмыз пӧрмоз!

жуйковВладимир Жуйков.

«Крезьгуро инструментъёсын шудӥсьёс» отряд.

— Мон Silent Woo Goore инди-рок группаысь гитарист луыса тодмо, кылем арын нырысетӥ удмурт рок-«Гурфест» фестивалез радъяны юрттӥ.

«Шундыкаре» дышетӥсь сямен туэ 2-тӥ арзэ мынӥсько. Кылем арын дорам вуизы быгатӥсь пиналъёс. Конечно, 10 нунал куспын выль кырӟан гожтыны, зэмос группа кылдытыны шуг. Но пиналъёс тыршизы. Вакчи дыр куспын, 3 интые, дышетӥм 8 кырӟан. Ас азям пуктӥсько ужпум: пӧртэм крезьгуро инструментъёсын шудӥсьёсты одӥг коллективе огазеяны, ог-огзэсты кылыны дышетыны. Кылем арын пиналъёс шудӥзы гитараосын но синтезаторен, туэ мынам трос пӧртэм крезьгуро инструментъёсын шудӥсь пиналъёсты адӟеме потэ. Витисько арганчиосты, кубызчиосты.

коротаеваЕкатерина Коротаева.

«Фольклор» отряд.

— Мон ужасько Россиысь этнографической музейын (Санкт-Петербург), дышетскисько аспирантураын Н. Римский-Корсаков нимо консерваториын. Мон кыкетӥзэ специалист сямен мынӥсько. Шумпотӥсько, «Шундыкар» бере нылпиос фольклорлэсь уг палэнско ке. Кылем арын отрядысьтым одӥг нылпи Ижысь крезьгуръя колледжысь калык кырӟанъя хор ёзаз пыриз. Нош туэ тулыс ветлӥз милям консерваториямы «Вселиственный венок» фестивале. «Шундыкарын» басьтэм тодон-валанъёссы, малпасько, пиналъёслы улоназы но дышетсконазы кулэ луо.

Егитъёс тунсыкъясько калык кырӟанъёсын, эктонъёсын, шудонъёсын. Фольклорез выль сямен улӟыто, туала сяме пырто.

даралиДарали Лели.

«Дӥськут дизайн» отряд.

— «Шундыкар» лагере вожатоен я ӧнерчиен кемалась сюреме потэ вал ни. Тани малпанэ быдэсмиз. Мар ми каромы пиналъёсын? Малпанэ бадӟым.

Котькуд ёросын, котькуд гуртын кышноос удмурт дэрем ас сяменызы вуро. Мынам потэ, пиналъёс дэремъёссэс, сое лыдэ басьтыса, мед быдэстозы шуыса. Котькудӥз — ас пал дӥсьсэ. Конечно, соос герӟаськемын луозы одӥг элементъёсын. Соку пӧрмоз одӥг дӥськут бичет.

«Шундыкаре» сюрон понна конкурс кыстӥськоз 18-тӥ пӧсьтолэзёзь. Кыӵе ужъёсты келяно, учкыны быгатӥськоды udmdunne.ru но shundy.ru вотэсбамъёсысь.

Мария Векшина

Удмурт Дунне
By Удмурт Дунне Июнь 2, 2016 18:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<