Серемес: Верасько пиналъёс

Удмурт Дунне
By Удмурт Дунне 15 июня, 2016 16:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Бергась корка

Ньыль аресъем Танялэн  кема бергаменыз йырыз поромиз. Дыды куалектыса шуэ:

— Ой, дугдытэ коркаез.

Анаез:

— Тон дугды.

Нылыз:

— Мон дугдысал, пыдъёсы уг кылзӥсько.

 Славиклы удалтоз

Таня (5 арес) анаезлы шуэ:

— Сыӵе мон шум-потӥсько Славик понна. Анаез:

— Малы?

Таня:

— Со мынам картэ луоз. Кыӵе солы удалтоз кышноен, со ачиз но уг тоды на.

 Гольык

Катя пилеш воргоронэз адӟиз но мумизлы шуэ:

— Учкы ай, дядяйлэн йырыз шыр гольык!

Анаез:

— Шыпытгес, кылоз ук.

Катя:

— Со ачиз уг тод на-а, йырсиез ӧвӧл шуыса?

 Пӧзьтэм чечы

Таня нырысьсэ чечы веръяз но мумизлэсь юа:

— Чечыез кампетлэсь пӧзьто-а?

Анаез:

— Малы кампетлэсь?

Таня:

— Туж ческыт ук.

 500 манет

Кирилл,  анаез но песяез лавкае пыризы. Пияш шудон машина адӟиз,  басьтыны куриз. Анаез учкиз но шуиз:

— 500 манет! Укыр дуно…

Кирилл песяез доры лыктӥз:

— Бабу, вай пенсиысьтыд 500 манеттэ. Мон пенсие потӥ ке, сразу тыныд берыкто.

 Жугиськись Сашик

Катя (4 арес) садикысь бертӥз но анаезлы шуэ:

— Мон будӥ ке, огнам уло.

Мумиз:

— Малы огнад?

Катя:

— Кинлы мон бызём? Сашик жугиське, Кирилл   зырымесь, нош Костя улаз кызя.

Котькыӵе ӵушкон

Света (4 арес) мунчое мыныны дасяське:

— Вае мыным ӵушкон —  выльзэ, бадӟымзэ, чеберзэ, небытсэ, льӧльзэ… Ну, валады ни —   котькыӵезэ, мон апае кадь тэргаськись ӧвӧл.

 Кызон

Света висе. Мумиз шуэ:

— Нылы, шунытгес дӥсяськы, тон кызӥськод.

Света:

— Мон дӥсяськыса но кызӥсько.

 

 

Удмурт Дунне
By Удмурт Дунне 15 июня, 2016 16:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<