Санкциосты быдтон, улонэз утён но ӟеч улон

Удмурт Дунне
By Удмурт Дунне 1 июня, 2016 09:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Лэсьтӥз Вера Штыкова.

Лэсьтӥз В. Штыкова.

Дуннеын

Санкциосты быдтоно, пе

Берлинын ортчиз Германилэн но Россилэн кусыпъёссылы сӥзем «Потсдамские встречи» конференция.

Та ужрад ортчылэ 1945-тӥ арысен. ФРГ-лэн кунгожсьӧр ужпумъёсъя министрез Франк-Вальтер Штайнмайер вераськиз Россилы пумит санкциос пумысен. Евросоюзэз, пе, соос ыштонъёсы гинэ вуттӥзы, соосты быдтонъя нимысьтыз программа кылдытоно. Угось Европаысь калык пӧлын санкциослы пумит мылкыдъёс золгес луо.

машина

Лэсьтӥз В. Штыкова.

Россиын

Кужмысь уз каре ни

1-тӥ июньысен Россиын пыӵаны кутскизы куд-ог выльдӥськонъёс.

Та нуналысен котькуд адямилэн правоез вань ӵектэм страховкаез басьтытэк, шуом, машинаезлы ОСАГО полис лэсьтыкуз яке банклэсь пунэмаськыкуз. Зэм, страховкалэсь куштӥськыны луонлык вал азьвыл но. Но калык сое амалтэк басьтоно луылӥз, сотэк куд-ог банкъёс кредит сётыны пумитъяськылӥзы. Табере адямилэн страховкалы пумит луэмез нимаз документын пусйиськоз.

1-тӥ июньысен уз сётъялэ ни анай капиталысь одӥг пол сётӥськись (20 сюрс манет) выплатаез. Та пумысен законлэн быдэсъяськон вакытэз ортчиз. Но та тырон азинтэмын луоз, Кун Дума та пумысен выль закон кутӥз ке.

052309,Селтинский район,Селты,дети,семья,народное творчество,реместо,изделие

Туспуктӥз А. Горбунов.

Удмуртиын

Улыны кутским ӟечгес?

Россиысь семьяослэсь макем ӟеч улэмзэс возьматӥсь рейтингын Удмуртиысь семьяос 6 чурлы вылӥегес ӝутскизы.

Валля арын Удмуртия списокын 52-тӥ интыын вал ке, кылем арын — 46-тӥын. Озьыен, ар куспын ӟечгес улыны кутскем семьяослэн лыдзы ӝутскиз. Рейтингез кылдытӥсь «Риарейтинг» агентство ивортэмъя, Удмуртиын 1 пиналзэ будэтӥсь семьялэн доходэз, расходъёссэ куштыса, 23 сюрс 99 манет кыле. 2 нылпи вордӥсьёслэн ичигес — 14 сюрс 394 манет. Россиын 2 нылпиен семья понна шоро-куспо лыдпус — 28 сюрс манет. Бусьтыр уло Ямало-Ненец, Чукотка улосъёсысь но Москваысь семьяос, рейтингын берпуметӥ интыосын — Дагестан но Псков улос.

Елена Никитина

Удмурт Дунне
By Удмурт Дунне 1 июня, 2016 09:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<