Пудо животъёсын адӟытон: Вань вылез — син шорын

Удмурт Дунне
By Удмурт Дунне Июнь 15, 2016 16:45
Дэри ёросысь Якшур гуртысь П. Николаев адӟытонэ вуттӥз бадӟым будӥсь кроликъёсты.

Дэри ёросысь Якшур гуртысь П. Николаев адӟытонэ вуттӥз бадӟым будӥсь кроликъёсты.

 Ижысь ипподроме вуттӥзы шаерысьтымы тужгес ӟеч пудо-животъёсты, тылобурдоосты но мушъёсты. Радъямын вал нимысьтыз адӟытон.

Таӵе адӟытон шаерамы ог 30 ар ӵоже ортчылэ ни. Ижысь калык но ипподроме вазь ӵукна ик кыстӥське. Татчы ваем одӥг курегпуз но, одӥг парсьпи но берен уг берто — адямиос ӟеч вузлы вожмасько, дуныз шоры уг учко.

— 2000-тӥ аръёсы араз котькуд скаллэсь 2 сюрс 600 литр йӧл кыскиськомы вал, — шуэ Кун Кенешлэн Тӧроез Владимир Невоструев. — Али 5 сюрс 600 литр. Со селекционеръёслэн, тодосчиослэн, животноводъёслэн  ужамзылэн емышез. Берло 15 ар ӵоже 14 племенной завод, 21 племенной репродуктор кылдӥз. Ӟеч выжыысь парсь вордонъя 5 племзавод но 1 племрепродуктор ужа. Та туж данъяськымон. Но гурт удыслы юрттэттэк азинскыны шуг. Соин ик пудоен вырисьёслы азьланяз но юрттэт луоз.

Ӟеч выжыысь пудо-живот, чорыг, муш, тылобурдо вордонэн вырись 50 предприятие вуиз ипподроме. Трос ваемын вал скалъёс но кунянъёс. 2020-тӥ арозь уго шаерамы араз 1 миллион тонна йӧл кыскыны кулэ. Соин но адӟытонэ тужгес трос йӧл сётӥсь скалъёсты вуттӥзы. Кылсярысь, Пичи Пургалась «Уром» хозяйствоысь огез скалзы кылем арын 9 сюрс 300 килограмм йӧл сётӥз.

Ипподроме адямиос семьяосынызы ик вуиллям. Туж трос вал городысь нылпиос. Соос тросгес кыстӥськизы кроликъёс доры. Дэри ёросысь Якшур гуртысь тӧдьы великан выжыысь кроликъёсты будэтӥсь Павел Николаев шаерамы огназ сыӵе пелёосты вордэ.

Елена Сараматова

Туспуктӥз В. Беломорских

Удмурт Дунне
By Удмурт Дунне Июнь 15, 2016 16:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<