Шутэтскон интыос дасян, «Зарни ватка — 2016» но ожлы сӥзем адӟытонъёс

Удмурт Дунне
By Удмурт Дунне Июнь 21, 2016 14:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Воткинск

Быдӟым ожлы сӥзем адӟытон

22-тӥ инвожое Быдӟым ожлэн кутскемез дырысен 75 ар тырмоз. Солы сӥзьыса, Воткинскын дасязы тунсыко адӟытон.

Отысь лыдӟыны луоз ож кутскон вакытысь колхозъёслэн ужамзы сярысь ужкагазъёсты, протоколъёсты, фронтысь нырысетӥ гожтэтъёсты. Татын люкамын 46-тӥ авиационной нылкышно полкысь ожмаськисьёслэн туспуктэмъёссы но вакчияк улонзы сярысь ивортонъёс. Со полк огазеяз быдэс Россиысь нылкышноосты, али ми соосты тодӥськом «уй ведӥнъёс» шуыса, отын ожмаськизы Удмуртиысь кышноос но. Тужгес но бадӟым инты та адӟытонын висъямын калыклэн ож сярысь тодэ ваёнъёсызлы. Та адӟытон ожмаськем муртъёсты гажанэз возьматон.

Эгра

Егитъёс шутэтскон интыос дасялозы

Котькуд гужем Эгра ёросысь Зура гуртын егитъёслы выль ужан луонлыкъёс кылдыто.

Школаын дышетскисьёс туэ Ита шур дуре шутэтскон инты дасялозы: ӟусъёс пуктозы, эктон сэрег лэсьтозы, сяська мерттозы. 2015-тӥ арын Эграын ёрос ӵошатсконын та проект вормисе потӥз но, ёрос администрация коньдон висъяз. Проектэз улонэ пыӵато клубын ужасьлэн Вера Ивановна Усковалэн «Ювентус» клубаз пыриськисьёс. Та ужзэс йылпумъямзы бере, егитъёс ульчае турникъёс но пуктозы.

Дэбес

Ватка выжыысь валъёсты утён

24-тӥ инвожое Тыловай гуртын «Зарни ватка — 2016» адӟытон ортчоз.

Ватка выжыысь валъёсты вордӥсь но ужрадэз радъясь Александр Юферев дораз куноосты пумиталоз. Тыловайын солэн аслаз «Вятка» фермаез вань. Учкыны луоз валъёсын ӵошатсконъёсты, «Сыӵе пӧртэм ваткаос» фотоконкурсысь туспуктэмъёсты, Дэбес ёросысь нылпиослэсь валъёсын суредъёссэс. Мылкыд карисьёс тодматскозы фермалэн уженыз. Нош вал вордӥсьёс асьсэлы ватка выжыысь пудоосты басьтыны быгатозы. Та ужрад 2014-тӥ арысен ортче бырись вал выжыез утён понна.

Дасяз Мария Емельянова

Удмурт Дунне
By Удмурт Дунне Июнь 21, 2016 14:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<