Одӥг сюанлы кык люкиськон

Удмурт Дунне
By Удмурт Дунне Июнь 8, 2016 13:08

Кылем арня пумын Каракулино черкогуртын ортчизы демографилы сӥзем общественной кылзонъёс. Вераськон мынӥз тазалык но нылпиос сярысь.

Ёрос больницаын ужасьёс, Ижысь вуэм сюбег специалистъёс калыклы валэктонъёс сётъязы.

Ёрос больницаын ужасьёс, Ижысь вуэм сюбег специалистъёс калыклы валэктонъёс сётъязы.

Общественной кылзонъёс кутскемлэсь азьло ёросын улӥсьёс тазалыксэс эскерыны быгатӥзы. Секталазэс, ӝуждалазэс мертам сяна, адямиос вирзӥбетсэс тодӥзы, вирысьтызы гемоглобинзэ но сахарзэ эскерыны быгатӥзы. Ёрос больницаын ужасьёс, Ижысь вуэм сюбег специалистъёс калыклы валэктонъёс сётъязы. Школае мыныны дасяськись пиналъёс понна Каракулиное юри вуттэмын вал питранъёс вылын ужась больница. Нылпиослэсь тазалыксэс 7 специалистъёс эскеризы.

Эмъясьёс дортӥ ортчемзы бере адямиос залэ люкаськизы. Кенешонэз усьтыса, Кун Кенешлэн Тӧроезлэн воштӥсез Светлана Кривилёва пусйиз: демографияя югдур шаерамы курламон ӧвӧл ке но, малпаськыны мугъёс вань. Угось нылпиослэн тазалыксы арысь аре лябӟе.

Калыкез утён, семья но демография политикая министрлэсь воштӥсьсэ Анжелика Клоковаез сюлмаськытэ люкиськисьёслэн лыдзы. Шаерысьтымы котькуд кыкетӥез семья куашка. Кылем ар куспын 11 сюрс 400 семья кылдӥз ке, со вакытэ ик 5 сюрс 274-ез люкиськиз. Та ласянь пыкылӥз Каракулино ёросын улӥсьёсты но. Туэ ар куспын гинэ ёросын 15 семья шальтрам, нош сюан ортчытэм 6-ез гинэ. Ёрослэн йырыз Сергей Русинов югдурез син азяз возе, соин ик ӵектӥз ас доразы кылдытыны атайёслэсь огазеяськонзэс. Угось куд-ог анай-атайёс нылпи пособиос басьтон вылысь юри уг гожтӥсько.

Трос нылпиё семьяослэн лыдзы будэ, шуиськомы ке но (та дыре шаерамы 18 сюрс 309 семьяын 3 но солэсь трос нылпиос будо), йылэ начар улӥсьёслэн лыдзы — 16 сюрс 235 семья.

Кылем ар куспын быдэ вуымтэос 97 семья кылдытӥзы, со пӧлысь 8 учырын пиналлы 14 арес вылымтэ на. 14-17 аресъемъёс 195 нылпи вордӥзы, одӥг анайлы 14 арес вылымтэ на. Эмъясьёс доры нылпи куштыны вазиськиз 105 пинал, 47-ез — кыкетӥзэ. Таӵе лыдпусъёсты шараяз Удмуртиысь нылпиослэн правооссыя оскем мурт Ольга Авдеева.

Ужрадын ӵектэмын вал тазалыкез утёнлы эшшо но тросгес саклык висъяны. Кылсярысь,  ӝог юрттэт сётонъя машинаосты арлы быдэ выльдыны, «Гуртысь эмчи» программаез 2021-тӥ арозь азьланьтыны, «Гуртысь фельдшер» но «Школаын дышетскисьёслэн тазалыксы» программаослы дурбасьтыны.

Валентина Емельянова

Туспуктӥз А. Горбунов

Удмурт Дунне
By Удмурт Дунне Июнь 8, 2016 13:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<