Москваын удмурт литературалы сӥзем книгаос потозы

Удмурт Дунне
By Удмурт Дунне Июнь 22, 2016 09:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
литератур

Россиысь президентлэн косэмезъя комитет вырыны кулэ кунысьтымы выжы калыкъёслэн литератураоссылы 2016-тӥ-2017-тӥ аръёсы юрттонъя программа бордын.

Кылем арын Россиын ялэмын вал Литературалэн арез. Соин валче та удыслы бадӟым кивалтӥсьёс ласянь но саклык висъяськиз.

Озьы Литературалэсь арзэ ортчытонъя оргкомитет туэ Литературалы, книга поттонлы но лыдӟиськонлы юрттонъя комитетлы пӧрмытэмын, кивалтэ соин Кун Думалэн председателез Сергей Нарышкин.

Россиысь президентлэн косэмезъя комитет вырыны кулэ кунысьтымы выжы калыкъёслэн литератураоссылы 2016-тӥ-2017-тӥ аръёсы юрттонъя программа бордын. Выжы калыкъёслэсь литератураоссэс азинтон но калыке паськытгес вӧлмытон вылысь пӧртэм ужрадъёс чакламын, кылсярысь, произведениосты ӟуч кылэ берытскыса, туала кылбуретъя, прозая, нылпи литературая но драматургияя антологиос поттыны. Отчы пырозы улосысь тужгес усто авторъёслэн произведениоссы, соосты быръён понна кылдытъямын нимысьтыз комиссиос. Москваын нырысь ик потыны кулэ поэзияя антология, тодмо ни, удмурт кылбурчиос пӧлысь отчы пырозы Василий Ванюшев, Татьяна Чернова, Пётр Захаров, Сергей Матвеев но Анастасия Шумилова. Печатламын луозы быдэн кык-куинь кылбуръёссы удмурт но ӟуч кылъёсын. Со сяна, книга борды потоз диск — авторъёс кылбуръёссэс асьсэос лыдӟозы.

— Бырйыны выримы пӧртэм авторъёсты, кызьы ке арлыдзыя, озьы ик гожъяськон манерзыя но, — шуэ комиссилэн ёзчиез, Удмурт кылосбуръя, финно-угроведениея но журналистикая институтлэн кивалтӥсез Наталья Кондратьева. — Зэмзэ ке, тунсыко гожъясьёсмы асьмелэн ӧжыт ӧвӧл, но сомында гинэ инты висъяське антологиын. Кин сюроз мукет антологиосы, тодмо ӧвӧл на, али бырйиськом нылпи писательёсты. Но огез туж шумпотымон ни — национальной литератураослы выльысь пичи ке но саклык висъяськыны кутскиз. Таӵеез ӧй вал ни совето вакытъёсысен.

Зинаида Кириллова

Удмурт Дунне
By Удмурт Дунне Июнь 22, 2016 09:36 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<