Мар сярысь шыпырто кызьпуос

Удмурт Дунне
By Удмурт Дунне Июнь 21, 2016 15:14

Ӝыт поръяса ветлон сямен кыӵе но малпанъёс йыре уг лыкто. Одӥгез сюлэмме ик бугыртэ: малы та дунне вылын ожмаськонъёс вань? Соос сомында адямиослэсь улонзэс быдто ук, сюлэмзэс чигто.

076524,деревня Кестым,Балезинский район,гнездо,дерево,береза

Одӥг шуныт ӝытэ кема сылӥ, инбаме кыстӥськись пурысь памятник вылысь родняелэн нимтулыз шоры учкыса. Мар малпаз со бырыкуз? Кышказ-а, ӧз-а?

Дорам шыпытак эше вуэм. Пуксим ӟус вылэ.

— Чебересь татын кызьпуос. Шулдыр.

— Шулдыр, — шуисько. — Адямиос жаль пото.

— Тон мар сярысь?

— Та кызьпуос асьме гуртысь оже быремъёслы мерттэмын. Соослэн ваньзылэн ик малпанъёссы, сюлмаськонъёссы, осконъёссы вал. Нош али тани та кызьпуос гинэ кылемын на.

— Нош тон ќд малпа-а, соос тыныд мар ке но вераны туртто шуыса?

— Кинъёс? Кызьпуос-а, мар-а?

— Ӧвӧл. Оже быремъёс. Соослэн лулзы та писпуосы кошкиз…

Шуныт тќл шудэ али гинэ потыны кутскись векчиесь вож кызьпу куаръёсын. Оло, зэмзэ ик, мар ке вераны туртто та кызьпуос? Эшеным шара малпаськыны кутским. Со шуиз:

— Тодӥськод-а, син азям ожез пуктӥ. Пересь песятае мыным шуэ кадь: «Тау тыныд, нылы, уд вунэтӥськы монэ. Тӥ понна улонмес сётӥм ук. Тӥлед кышкыт аръёс сярысь капчи малпаны. Нош мон выльысь но выльысь атакае ӝутскисько. Ӟырт кезьытын кыллиськом из кадь чурыт музъем вылын, киын автомат, ыбылӥськем куара кылӥське, нош тынад киыд но, пыдыд но пумемын, чиньыостэ уд шӧдӥськы.

Вӧзысьтым эшъёсы султэмъя валасько: атакае бызьыны косӥзы. Кор кадь секыт пыдъёсме музъем вылысь ӝутӥ, вамыш, эшшо вамыш… Мар ке сюлэм вадесам бышкалскиз. Усисько… Эшъёсы азьлань бызё, кыдёке но кыдёке кошко. Валай:  вормон нуналэз уг адӟы. Но вормомы шуыса, пумозяз оски…»

Эшелэн синъёсыз нюромиллям, мынам но бамтӥм синкыли ваське…

Ӵуказе нуналаз парке сяськаос нуим, соосты кызьпу азе тырим. Кӧня ке сылӥм на памятник азьын. Небыт тӧл шудэ йырсиенымы, баммес веша. Кызьпуос векчиесь вайёсынызы шонало милемлы.

«Тау» шуо кадь соос.

Наташа Кириллова

Туспуктӥз А. Горбунов

 

 

Удмурт Дунне
By Удмурт Дунне Июнь 21, 2016 15:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<