Мар сярысь кенешозы фин-угоръёс Лахтиын?

Удмурт Дунне
By Удмурт Дунне 14 июня, 2016 15:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

лахтиДуннеысь фин-угор калыкъёслэн конгрессы ортче 4 арлы огпол. Туэ 15-тӥ-17-тӥ инвожое конгресс радъяськоз Финляндиысь Лахти городын. Удмуртиысь 5 делегат но 7 наблюдатель мынозы.

Ужрадэ быдэс фин-угор дуннеысь 600 мурт пыриськоз. Делегатъёс кенешозы фин-угор калыкъёслэн туннэ но ӵуказе нуналзы сярысь. Соос, 5 секцилы люкиськыса, ужалозы. Секциосын котыр ласянь эскерозы фин-угор но самодий калыкъёслэн кылзылэсь но культуразылэсь азинскемзэ. Вераськозы фин-угор калыкъёслэн ивор вӧлмытон амалъёссы сярысь, чаклалозы, кызьы азинтӥськоно. Саклык висъяськоз калык огазеяськонъёслы: макем бадӟым интызы но кужымзы калыкын но кунын. Палэнэ уз кыле экономика но котырысь инкуазь. Эскерозы калыкъёслэсь кытын улэмзэс, интыысь интые кӧчемзэс, учкозы, кызьы уло диаспораос, кылдыло-а выльёсыз но кыӵе шуг-секытъёсын пумисько. Тазалыкъя секциын ӝутэмын луоз фин-угор калыкъёслэн тазалыксы сярысь вераськон. Секциен кивалтоз Ижысь медициная академилэн ректорез Николай Стрелков.

Конгрессын Удмуртиысь 2 мурт доклад лыдӟоз: УдГУ-ысь Удмурт филологияя, финно-угроведениея но журналистикая институтэн кивалтӥсь Наталья Кондратьева дышетон удысэн герӟаськем шуг-секытъёс сярысь вераськоз, нош Историяя, кылъя но литературая Удмурт институтлэн директорез Алексей Загребин калык огазеяськонъёслэн республикаямы интызы сярысь мадёз.

Котькуд калыклэн аслаз висьытӥсь пӧськыосыз. Но огъя сюлмаськонъёсмы но вань. Огез соос пӧлысь — пичи калыкъёслэн быремзы. Та вӧсьёс сярысь верано, со пумысен ужпумъёсты одно ик ӝутоно. Ӵапак та понна ик люкасько фин-угор калыкъёс.

Конгрессысь иворъёсын лыдӟисьёсмес тодматом нуналлы быдэ — соосты лыдӟыны луоз udmdunne.ru но udmkenesh.ru сайтъёсысь.

Елена Сараматова

Удмурт Дунне
By Удмурт Дунне 14 июня, 2016 15:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<