Кызьы радъяське сӧсыръёсты уже интыян?

Удмурт Дунне
By Удмурт Дунне 20 июня, 2016 16:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

16311,Сарапульская женская колония №12,тюрьма,работа,заключенные,зэки

Москваын 130 сюрс вакансия. Но уж сётӥсьёс инвалид муртъёсты доразы кутыны туж ик уг дырто, интыяло ке но, уждунзэс шымыртыны выро.

Та юанлы валэктон утчазы Калыкез утён, семья но демография политикая министерствоын.

Кенешонэ пыриськиз Москваысь делегация.Удмуртиысь ужъя но миграция политикая министрлэн воштӥсез Лариса Вершинина верамъя, уже интыянъя служба пыр уж утчась адямиос пӧлысь 5,7-5,9 процентэз — сӧсыр адямиос. Уже интыяны кылдэ 55-60 процентсэ. Нош кыӵе югдур Москваын?

— Ми нырысь ик интыяськомы удыссэс ӟеч валасьёсты, — вераз Москваысь Ужъя но калыкез утёнъя департаментысь калыкез уже интыянъя управлениен кивалтӥсь Юлия Холомцева. — Сӧсыр адями таза мурт кадь вань сюлмысь но кужмысь ужаны уг быгаты. Но котькудӥз кытын ке маин ке усточи ук.

Москваын 130 сюрс вакансия. Но уж сётӥсьёс инвалид муртъёсты доразы кутыны туж ик уг дырто, интыяло ке но, уждунзэс шымыртыны выро. Кылсярысь, Москваын шоро-куспо уждун 70 сюрс манет ке, уже куриськись инвалидъёслы ӵекто 20 сюрс манет, ужасьёсызлы тыро 35-40 сюрс манет.

Москваын 2015-тӥ арын асьсэлы уж шедьтӥзы вань вазиськисьёс пӧлысь 78 процентэз, инвалидъёс пӧлысь — 49 процентэз. Россиын уже интыямын вал вань вазиськемъёс пӧлысь 42 процентэз сӧсыръёс. Озьыен, бадӟым мылкыд вань дыръя уж шедьтыны луоно.

Юлия Холомцева верамъя, управление валче ужа Москваысь Бауман нимо техникая кун университетэн. Татын арлы быдэ дышетске ог 400 инвалид. Таос пӧлысь 98 процентэз асьсэ удыссыя уж шедьто. Уноез соос пӧлысь программистъёс.

Москваын али одӥг политика: умой улон но уж шедьтон понна одно ик кошконо ӧвӧл кунгож сьӧры — Россиын но астэ шедьтыны луоно. Сӧсыр муртэ ужаны басьтӥсьёслы субсидиос но чакламын: котькуд ужась инвалид понна тырем старховой взносъёслэсь оглюкетсэ берыкто. Со сяна, инвалидъёслы тодон-валанзэс будэтыны юрттӥсь предприятиослы юрттэт вуэ.

Галина Анищенко

Туспуктӥз А. Горбунов

 

Удмурт Дунне
By Удмурт Дунне 20 июня, 2016 16:55 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<