Кӧня музъем, кыӵе пудо

Удмурт Дунне
By Удмурт Дунне 8 июня, 2016 14:29

1-тӥ июльысен 15-тӥ августозь ортчоз  гурт удысын лыдъян-чотан. Валэктон уж нуыса, чотасьёс калык доры потозы ни июне ик.

Гурт удысын лыдъян-чотан дуннеысь данаказ кунъёсын ортчылэ. Кылсярысь, Австралиын сое арлы быдэ радъяло. Россиын талэсь азьлоез перепись ортчиз вал 10 ар талэсь азьло.

скал

Палэнэ кельтэмын уз луэ гурт хозяйствоос но, фермеръёс но, нимаз юртъер возисьёс но.

Кӧня пудо вордӥськомы, кӧня музъемез утялтӥсь-комы — тае тодон азьланяз туж юрттоз экономикаез азинтыны. Лыдпусъёс уго возьмато, кытын ляб, нош кытын кужмо интымы, мар карыны луэ на эшшо тросгес емыш басьтон, сӥль-йӧл поттон понна, марлы кулэясько адямиос, кызьы умой пала воштоно улон-вылонзэс.

Туалаез лыдъян-чотан Россия понна уката кулэ. Малы ке шуоно кунгож сьӧрысь сиён-юон, техника ичигес вуттон понна эскерозы, маин юрттоно на гурт удыслы. Соин ик палэнэ кельтэмын уз луэ гурт хозяйствоос но, фермеръёс но, нимаз юртъер возисьёс но.

Удмуртстатэн кивалтӥсь Евгений Данилов верамъя, лыдъян-чотан улэ сюре шаерысьтымы 260 сюрс объект. Калык дорозь вуттӥськоз 92 инструктор но 553 лыдъясь. Таосты тодманы луоз лыз буёло дӥсьсыя но удостоверенизыя. Кышканэз ӧвӧл: соос одӥг муртлэсь но ним-тулзэ уз юалэ, паспортсэ уз куре.

Лыдъясьёслэн ужзы ӝоггес мед мыноз, лыдпусъёсты чалякгес лыдъяны мед луоз шуыса, уноез ужалозы планшетъёсын. Компьютеръёс висъяськозы Иж, Вотка, Глазов, Можга но Сарапул городъёсы но 8 ёросэ: Алнаш, Вотка, Глазов, Дэри, Пичи Пурга,  Можга, Сарапул, Якшур-Бӧдья.  24-тӥ-30-тӥ июне чотасьёс участокъёсазы вуылозы ни, азьвыл ик ивортозы ку лыктонзэс. Адямиос азьлапал мед тодозы, кудбыдӟа музъемзы но кӧняез со пӧлысь кизиське, ма быдӟа садзы но кыӵе емышо писпуос отын, кӧня пудо-животсы но мушсы.

Шаерамы лыдъяське 407 гурт хозяйство. Лыдъян-чотанлы дасям документъёсты кивалтӥсьёссы асьсэос гожъялозы. Со сяна, чотасьёс вуттӥськозы 59 фермер но 843 ужбергатӥсь доры. Таослэсь юалозы на, государстволэсь субсидия басьязы-а, кӧня ар ужало.

Лыдъян-чотан ортчем бере нырысетӥ лыдпусъёсты шараялозы 2017-тӥ арын. Со бордысь ик потоз азьланяз улонмы.

Елена Сараматова

Удмурт Дунне
By Удмурт Дунне 8 июня, 2016 14:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<