Келяськон

Удмурт Дунне
By Удмурт Дунне Июнь 30, 2016 13:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гуртамы гажаса утиськом вашкала сям-йылолъёсты. Огез соос пӧлысь — кисьтон.

Бӧлякен-бӧлякен люкаськыса, шайвылысь бертӥськом, нош ӝытазе кулэмъёсын люкиськон ортчытӥськом: коркась корка ортчиськом. Ӝӧк сьӧрын пукем бере кыре потаськом на кулэмъёсын люкиськыны — кинлы та ужез осконо, ӵошен ик кенешиськом. Быръем мурт кыре озьы ик кияз сиён-юонэн пота, нош отысь пырыса, тупен-тупен вера кулэмъёслэсь сӥзёнъёссэс.

Милям таӵе процедураез быдэсъя Молло Пильып — йыгмыт но вераны быгатӥсь воргорон. Тужгес но умой вералля кулэмъёслэсь нылпиослы пожеланиоссэс. Соин но, дыр, соос котьку но пырисько таӵе празднике, сак кылзо воргоронлэсь верамзэ. Кытысь вераны кыл но шедьтэ?!

Таяз кисьтон нуналэ Молло Пильып шайвылысь суч-суч кудӟыса бертӥз. Бӧлякъёс паймизы, кин табере со интые кулэмъёсын люкиськон ортчытоз? Кин ке шуиз: ӧвӧлтэмлэсь Комак Санко но, пе, яралоз.

Решили-постановили: Комак Санко келяськоз. Сазь дыръяз солэн мылкыдыз ӧй ке но вал, шӧмаськемез бере нырысетӥ коркан ик лӧптыса келяськыны потаз. Пырыса кызьы быгатӥз, вераз кулэмъёслэсь сӥзёнъёссэс. Куноос юазы ик: малы  сокем кема келяськид, Санко, возьмаса жадиськиз тонэ? Вераны кылъёс ӧз шедьты келяськись. Коть мар ке вера вылэм со. Оскысалмы.

Коркась корка ортчыса но келяськыса, воргорон воксё етӥз луиз, ява. Кылъёс но интыяз шедьтэ. Берпум коркась келяськыны потыса, кемалы ышиз-быриз, куноос доразы кошкыны дасяськизы ни вал — ярам, вуиз на. Витьыса-витьыса сазьтӥськем Молло Пильып юано кариськиз:

— Санко, вера ай, кинэ кызьы утялтӥд, келяськыны потакуд?

Санко кылзэ ньылӥз, лэся, вераны кылъёс ӧз шедьты.

— Мон, — шуэ Пильып, — сиён-юонэз тылобурдоослы кельтӥсько, мед кулэмъёслэн азязы усёз шуыса.

Берло тодмо луиз: Комак Санко келяськон сиён-юонэз гуртаз нуллэм. Кышноезлэн верамезъя, лапас улын со арня ӵоже сиыса-юыса улэм на. Э-э, Санко, тонэ юнме уг шуо вылэм комак!

Николай Трубачев

Туспуктӥз А. Горбунов

Удмурт Дунне
By Удмурт Дунне Июнь 30, 2016 13:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<