Ижын ортчизы Москвалэн нуналъёсыз

Удмурт Дунне
By Удмурт Дунне Июнь 20, 2016 13:01
---NIK_1174

Москвае мыноз Ярысь 8 аресъем Игорь Наймушин но. Со, кылбур гожтыса, конкурсын куинетӥ интые потћз. Сое њечкылало Москваысь департаментэн кивалтӥсь В. Черников но Удмуртилэн Тӧроез А. Соловьев.

Элькун Тӧро Александр Соловьев но Москваысь куноос пыриськизы котырес ӝӧкъёсы, пумиськонъёсы, кенешонъёсы.

Бадӟым ужрадлэн валтӥсь малпанэз — шаермылэсь данзэ ӝутон, инвестициосты кыскон, экономикая но культурая кусыпъёсты юнматон. Куноос нырысь вамыштӥзы Ялан ӝуась тыл доры. Отчы сяська тугоко понӥзы.

Собере кивалтӥсьёс дыртӥзы элькун Тӧролэн резиденцияз. Татын ортчиз Интернетын ялэм «Мынам яратоно Москвае» конкурсын вормисьёсты ӟечкылан. Шуд пуйыос 15 кузя люкаськиллям. Соос кылбур, туспуктэм, суред пыр возьматыны быгатӥллям, макем гажало Москваез. Москваысь куноос ӧтемъя вормисьёс 3 нунал кунмылэн шоркараз дунтэк кунояськозы!

Кылсярысь, «Суред» номинациын нырысетӥ интые потӥз Можга городысь 11 аресъем Виктория Яковлева. Со Москваысь кун университетэз акварелен, сьӧд гелё ручкаен 2 нунал суреданы вырем. Та дышетсконниез юнме бырйымтэ.

— Отчы пыреме потэ, — шуэ со. — Журналистлэн удысэз кельше. 5-тӥ классэ гинэ ветлӥсько ай ке но, али ик ӟуч, англи кылъёсты ӟеч дышетыны вырисько. Москвае огпол но вуылэме ӧвӧл. Соин та вормонэлы туж шумпотӥ!

Кузьымъёсын — рамкае ӝикыт интыям киужъёсын — ог-огзэс шумпоттӥзы элькун Тӧро Александр Соловьев но Москваысь нациосын ужан политикая, улосъёсын кусып возёнъя но туризмъя департаментэн кивалтћсь Владимир Черников. А. Соловьев шуиз:

— Удмурт шаерлэн но Москвалэн кусыпъёссы эшшо но юнэсь луозы. Туннэ ми 6 миллиард тыр вуз кариськом. Азьланяз та лыдпусэз эшшо ӝутоно! Угось шаерамы вань маин Москваын вуз карыны — гурт но промышленность удысъёсын поттэм продукциен.

Резиденциысь кивал-тӥсьёс кошкизы Операя но балетъя театре. Отын шулдыр концерт учкизы. Сцена вылын кырӟазы-тапыртӥзы шаерысьтымы но Москваысь усточиос. кылсярысь, лыктэмын вал «Гжель» театр, «На Басманной» театрысь Ирина Суханова, «Голос» вожвылъяськонын вормем Евгений Кунгуров но мукетъёс.

Ольга Корепанова

Удмурт Дунне
By Удмурт Дунне Июнь 20, 2016 13:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<