Ижкар шулдыръяськонъёс дыръя калыкез утёз 1 сюрслэсь ятыр адями

Удмурт Дунне
By Удмурт Дунне 10 июня, 2016 13:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

полицияИжысь ульчаосты, азбаръёсты 12-тӥ июне чакланы потоз Югдурез утёнъя министерствоысь, Национальной гвардиысь но охранаен вырись огазеяськонъёсысь 1 сюрслэсь ятыр адями.

Городлэсь нуналзэ пусйыны, Герберын шулдыръяськыны 80 сюрс пала адями люкаськоз. 9-тӥ Май праздник дыръя югдурез утисьёс трос дырзэс быдтӥзы, нылпиосты утчаса. Шор площадьын, ӝыт концерт мыныку гинэ, 7 тэшкыли ышиз. Ярам, 30-40 минут куспын соос ваньзы анай-атайёссылы берыктэмын вал. Соин ик министерствоысь Калыко интыосын порядокез чакланъя управленилэн кивалтӥсез Олег Опарин анай-атайёслы вазиськиз:

— Ӝыт Шор площадьын калык тымиське. Нылпи мумы-бубыезлэсь одӥг метрлы палэнске гинэ — ыше. Ас кужымен пиналэз утчано ӧвӧл. Соку ик югдурез утисьёслы вазиськоно.

Ужрадъёслэсь азьвыл калыко интыосты эскерозы пуныос но сапёръёс. Бадӟым саклык висъяськоз… жуг-жаг куян ведраослы. Угось террористъёс ӵемысь отчы куяло пуштӥсь арбериоссэс. Соин ик утялтӥськисьёс соосты ӵем бушатъялозы.

Шоркарлэн ульчаостӥз ворттылоз «Волна» машина. Со городысь югдурез лушкем плёнка вылэ гожъялоз, законэз тӥясьёсты туспуктылоз. Ӝужыт юртъёс вылэ камераос юнматъямын ни. Бадӟым песьтэръёсын, вандӥсь-ыбылӥсь арбериосын ужрадэ лыктыны уг яра.

Патрулья но постъя службалы юрттӥськоз Сюрес вылын кышкытлыклэсь утиськонъя служба. Кылем арын 12-тӥ июне мынон-ветлон правилоосты 900 адями тӥям. 33 адями руль сьӧры кудӟем йырын пуксем.

— Калык пӧлын пыгыр-погыр ветлӥсьёс соку ик кырмемын луозы, — вераз Олег Борисович. — Ужрадъёс ортчоно интыосын курытсэ вузаны уг яра. Но та курон  тырмыт ӧвӧл. Чакламы ни: юыны мылкыд карисьёс Шор площадьлы матысь азбаре кожо но пичи магазинысь сур басьто. Соин ик азьланяз куронъёсты эшшо но чурытгес каромы.

Кылем арын Городлэн нуналаз 36 йыртэмась кырмемын вал. Та пӧлысь 27-ез кудӟемын вылӥллям. О. Опарин оске: туэ лыдпус ӧжытгес луоз.

— Югдурез утён удысын 12 ар тыршисько ни, — шуэ со. — Кызьы Городлэн нуналыз 10 ар талэсь азьло ортчылӥз но кызьы али со радъяське — сьӧдэн тӧдьыен кадь висъясько. Бускель улосъёсысь кивалтӥсьёс но пусъё: калыкмы шулдыръяське сазь йырын.

* * *

1-тӥ июньысен Югдурез утёнъя министерстволэн «оскон телефонъёсызлэн» номеръёссы воштӥськизы. Соос таӵеесь: 8 (3412) 419-373, 419-474, 419-575.

Ольга Корепанова

 

 

Удмурт Дунне
By Удмурт Дунне 10 июня, 2016 13:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<