Инкуазь: Улытозяд тон мертты вал писпу…

Удмурт Дунне
By Удмурт Дунне 9 июня, 2016 14:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

5-тӥ июне — экологъёслэн нуналзы

Ижысь экологъёслэн огазеяськонзы 1988-тӥ арын кылдӥз. Инкуазез утисьёс  адямилэн чылкыт омырен шоканы, нылпиосты чылкыт интыын будэтыны правоосыз понна нюръясько. 2013-тӥ арысен огазеяськонэн кивалтэ Александр Мазунин.

DSC_0361

Ижысь Ленин ульчаысь 48-тӥ юртлэн азбараз магазин медаз кылды шуыса нюръяськон 2-тӥ арзэ мынэ ни.

— Ижын инкуазез утёнэн вырись огазеяськонъёс, нимаз адямиос трос ӧвӧл. Маин выриськоды тӥ, маин висъяськиськоды мукетъёсызлэсь?

— Нырысь ик, ми асьмеды шуиськом инкуазез утёнъя законъёслэсь быдэсъяськемзэс чакласьёс. Конституциын гожтэмын, котькуд адямилэн чылкыт инкуазьын улыны правоез вань шуыса.

Та дыре тыршиськомы 9 кузя — огшоры адямиос, кин сюлмаське чылкыт инкуазь понна. Огазеяськонлэн кылдон вакытаз ог 100 адями ужаз. Со вал зэмос кужым. Али 9 кузя ужез берыктыны курадӟоно. Соин ялан сюлмаськиськом бордамы тросгес адямиосты кыскыны. Со понна школаосысь нылпиосын, вузъёсысь студентъёсын пумиськылӥськомы. Инкуазьлы сӥзем нылпи лагерь сменаос но ӵошатсконъёс ортчытъяммы вань.

Валамон, милемлы нокин коньдон уг тыры, ваньзы та ужен ас мылкыдзыя выро. Пӧламы вань экологъёс, юристъёс, химикъёс, социологъёс. Кылсярысь, химия удысын ужась Юлия Садиокова юрттӥз милемлы муэз, лымыез эскерись анализъёс лэсьтыны. Юристъёс Вероника Фёдорова но Александр Торгушин законъёсын герӟаськем ужпумъёсты пертчо.

— Кызьы городлэсь улонзэ ӟеч пала воштыны тыршиськоды?

— Ми радъялляськомы жуг-жаг калтонъя ужрадъёс. Тыршиськомы чылкытатыны нюлэс кушъёсты, шур дуръёсты, писпу мерттылӥськом. Но жаляса верано, ӧжыт кузя люкаськиськом, эшшо ке ваньзэ но изъянтӥсь шеде на. Озьы одӥг аре Молодёжной урамын мерттэм садъёсмы ар ӵоже одӥгтэм быдтэмын вал. Таӵе учыр бере мылкыд ик куашка выльысь мар ке борды басьтӥськыны.

Огазеяськонмылэн одӥгез ёзчиез Екатерина Шишкина пыриське элькун Тӧролэн кичӧлтэмезъя кылдытэм Градостроительной кенешлэн ужаз. Но жаляса верано, со 2014-тӥ арлэн пумаз кылдӥз ни ке но, та дырозь 2 пол сяна ӧз люкаськылы на.

— Огазеяськонды кӧня ке ар ӵоже нюръяське ини Ленин урамысь одӥгез азбар понна.

— Зэм но, Ленин урамысь 48-тӥ юртлэн азбараз одӥгез ужбергатӥсь вуз карон лавка лэсьтыны малпаз. Но коркан улӥсьёс шулдыр интызэс вуз карисьлы кузьманы пумит луизы. Та сярысь тодӥмы газет бамъёсысь но кылдэм югдурез пыр-поч эскерыны кутскимы. Кыкетӥ арзэ ини та музъем кесэг понна нюръяськиськомы. Но вормом шуыса осконмы пумен кысэ.

Санитарной но экологической куронъёсты тӥян учыръёс пумысен уж ӝутэмын Молодёжной урамысь одӥгаз азбарын кылдэм югдуръя но.  Адямиос машинаоссэс турын будон интые пуктылыны ӧдъяллям. Валамон, машинаосты возёно нимысьтыз тупатэм интыын. Та югдурез но сэрттыны выриськом ини арлэсь кемагес.

— Тӥледыз мед кылозы-адӟозы шуыса, кыӵе амалъёс кутӥськоды?

— Удмуртиысь «Авангард молодёжи» огазеяськонэн валче радъялляськомы Ижысь инкуазез утён, кырсёмытӥсь учыръёслэн кылдон мугъёссы сярысь кенешонъёс. Отын вераськиськомы, кызьы городэз чылкытатыны луысал но маин ми юрттыны быгатысалмы.

Таӵе котырес ӝӧкъёсамы ӧтьылӥськом вань мыло-кыдоосты. Туж шумпотӥськом котькуд выль адямилы. Собере туэысен «Авангард молодёжи» нимаськись газет потыны кутскиз. Отын ми печатласькомы инкуазез утёнэн герӟаськем материалъёсмес.

Алигес городысь журналистъёсын пумиськылӥм. Вераськимы калыклэсь мылкыдзэс юатэк пуктӥськон сярысь. Город азинскыны, воштӥськыны кулэ, но мед со ортчоз, калыклэсь куронъёссэ, мылкыдъёссэ санэ басьтыса.

Ангелина Снигирёва

Удмурт Дунне
By Удмурт Дунне 9 июня, 2016 14:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<