Геннадий Романов: Творческой мылкыды ӧз пуксьы на

Удмурт Дунне
By Удмурт Дунне 10 июня, 2016 12:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
романов

«Кельтэм пытьы токма ӧвӧл» книгаез Геннадий Романовлэн 3-тӥез луэ.

«Удмурт дунне» газетысь журналист Геннадий Романов выль книгазэ поттӥз — «Кельтэм пытьы токма ӧвӧл». Озьы со 80 аръем улон сюресэзлы йылпумъянъёс лэсьтӥз?

— Йылпумъянъёс лэсьтыны вазь на, творческой мылкыды ӧз пуксьы на, — вера Геннадий Васильевич. — Азьланяз трос быдэстымтэ малпанъёсы на. Та книгаын — мынам тодэ ваёнъёсы. Озьы возьматэме потӥз 80 ар ӵоже улонме но «Советской Удмуртия», «Удмурт дунне» газетъёсын 50 ар ужамме.

Геннадий Романов газетэ ужаны вуиз армие ветлэмез бере. 80 аресказ но тэк уг пукы — гуртъёсты котыръя, колхозъёсын эшъяське. Гурт калык шумпотыса лыдӟе солэсь материалъёссэ, уго журналист гожъя гуртын ужась калык сярысь. Та дырлы Геннадий Васильевич Романов «Удмурт дунне» газетын тужгес арлыдоез корреспондент луэ.

«Кельтэм пытьы токма ӧвӧл» книгаез Геннадий Романовлэн 3-тӥез луэ. Солэсь азьвыл лыдӟись кие вуизы «Государстволы — тросгес курег сӥль», «Депутатъёс — ужын азьветлӥсьёс» книгаосыз. Таин журналист дугдыны уг малпа — солэн потэ на поттэмез матысь адямиосыз сярысь очеркъёсын бичет.

Мария Векшина

Удмурт Дунне
By Удмурт Дунне 10 июня, 2016 12:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<