Элькунамы ортчо Москвалэн нуналъёсыз

Удмурт Дунне
By Удмурт Дунне 10 июня, 2016 14:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

10-тӥ-11-тӥ июне элькунамы ортчозы Москвалэн нуналъёсыз. Россилэн шоркарысьтыз бадӟым делегация вуыны кулэ, кивалтоз соин Москваысь Национальной политикая, улосъёсын кусып возёнъя но туризмъя департаментлэн кивалтӥсез Владимир Черников.

дни москвы

Кык нунал ӵожелы трос тунсыко ужрадъёс чакламын. Кутскозы соос 10-тӥ июне ӵукна ик: Москваысь куноос Ялан ӝуась тыл доры сяська тугоко валёзы. Собере ортчоз Москваысь но Удмуртиысь кивалтӥсьёслэн пумиськонзы. Соку ик йылпумъянъёс лэсьтыны чакламын школьникъёс пӧлын радъям «Мынам яратоно Москвае» конкурслы. М. Калашниковлэн музеяз Москвалэн туристъёслы сӥзем проектъёсыныз тодматскон ортчоз. Отӥяз куноос вуылозы механической заводэ, «Ижмаш» огазеяськонлэн музеяз но трос мукет интыосы.

Элькунлэн Тӧроезлэн но Правительстволэн пресс-службазы ивортэмъя, Москвалэсь нуналъёссэ сӥё-дано усьтон ортчоз 10-тӥ июне П. Чайковский нимо операя но балетъя театрын. Учкисьёсты возьма «Пыраклы Россиен, лулын-сюлмын — Москваен» концерт. Отчы пыриськозы Москваысь но, Удмуртиысь но кырӟась-верась коллективъёс. 2 нунал куспын артистъёс концертэн вуылозы на Сарапул, Глазов но Вотка городъёсы.

11-тӥ июне ортчозы котрес ӝќк сьӧрын пумиськонъёс. Отын эскерозы экономикаен, тазалыкен, культураен, искусствоен, спортэн но мукет удысъёсын герӟаськем ужпумъёсты. Нош ӝытлань куноос вуылозы Воткае. Тодмо композиторлэн синпелетэз азе сяська тугоко валёзы, кожылозы солэн музей-усадьбаяз но. Удмурт музъем вылэ вуылонзы йылпумъяськоз Олимпийской шудонъёслэн 4 пол чемпионэнызы Галина Кулаковаен пумиськонэн.

Удмуртиысь Правительстволэн Тӧроезлэн воштӥсез, Удмуртиын Москвалэсь нуналъёссэ ортчытон понна кыл кутӥсь комитетлэн кивалтӥсез Андрей Кузнецов верамъя, пумиськонъёс-кенешонъёс шаермы понна туж пайдаё луыны кулэ.

Элькунамы Москвалэсь нуналъёссэ ортчытон пумысен Удмуртилэн Тӧроез Александр Соловьев кылпум поттылӥз вал туэ феврале. Оскемзэ вераз: та ужрад шаермылэсь экономиказэ юнматыны юрттоз, одно ӟечен шӧдӥськоз калыкмылэн улон-вылонэз вылын.

Сергей Захаров

Удмурт Дунне
By Удмурт Дунне 10 июня, 2016 14:20 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<