Элькун Гербер ортчоз Сюмси ёросысь Пӧбъя гуртын

Удмурт Дунне
By Удмурт Дунне Июнь 8, 2016 08:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

пӧбъя афиша25-тӥ инвожое Сюмси ёросысь Пӧбъя гуртэ шаерысьтымы гуртоос люкаськозы. Татын ортчоз 24-тӥез элькун Гербер шулдыръяськон.

Туннэ Пӧбъя гурезьёс котырын йыг-дым вазе. Воргоронъёс, ог-огзэс вошъяса, ужало. Ёрос администрацилэн кивалтӥсезлэн воштӥсез Людмила Даровских верамъя, азбаръёс куноосты пумитаны али ик дасесь ни: чургубиос кадь радэн-радэн сыло. Ваньмыз кыӵе ке пис-пуэн герӟаськемын: кызьпу, пужым но кыз. Сюмси палъёсын ӵапак та писпуосты сӥлы каро: пужым тэльын ужало, кызьпу арамаын шутэтско, нош кызлы вӧсясько. Соин ик Гербер но та писпуосын герӟаськемын луоз.

Шуккемын ни ёросъёсысь фольклор коллективъёслы эктыны-кырӟаны пичи сцена. Валтӥсь сцена азе 1 сюрс 300 адямилы чакласа ӟус лэсьто. Ваньзэ-ӧвӧлзэ 8 сюрс муртэ куное возьмало. Вань та калыкез рос-прос пумитан но вӧсям ӝукен куноятон вылысь, пуртыос утчаса, ёрос кивалтӥсьёс Ижысь Эшъяськон юртэ но, Кез ёросэ но вуылӥзы. Табере коть али ик пӧзьтыны пукты.

— Калык туж валаса возьма Герберез. Куд-огез, дорам лыктыса ик, юа, маин юрттоно шуыса. Палэнэ уг кылё районысь предприятиос но, — вера Людмила Даровских. — Кык нунал вань гуртоосын потамы гурт котырез но гурезез утялтыны. Векчи писпуосты корамы, лошъяськись жуг-жагез калтӥмы. Ӝоген татчы артистъёсмес репетицие поттомы. Али соос концерт программазэс ёрос культурая юртлэн фойеяз дасяло. Ёркыт, но коть чибинь уг сиы. Ог 240 мурт шулдыртоз куноосты. Со сяна, шаерысьтымы дано артистъёс быгатонлыкъёсынызы паймытозы. Дасяськиськомы батыр шудонъёс радъяны. Вожвылъяськонын вормисьёслы улэп кузьым дасямын: 1-тӥ интылы — ыжпи, 2-тӥлы — кролик, 3-тӥлы- атас. Пудозэс гуртоос ӧз жалялэ. Лыктэ, мӧзмыны ум сётэ. Пумиськом Герберын! 0+

шулдыръяськонлэн радлыкез

Елена Сараматова

Удмурт Дунне
By Удмурт Дунне Июнь 8, 2016 08:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<