Егитъёсты эскероз Валуев

Удмурт Дунне
By Удмурт Дунне 14 июня, 2016 10:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

374х3208-тӥ-18-тӥ июле Ижысь спортъя «Чекерил» комплексын ортчоз егитъёслэн промышленностьлы сӥзем 6-тӥ калыккуспо форумзы — «Вуоноысь инженеръёс».

Ужрад егит инженеръёслы азинскыны луонлык сётэ. Отын соос тодматско кунгож сьӧрысь тодосчиосын, промышленностья предприятиосысь специалистъёсын. Кылсярысь, кылем аръёсы форуме вуылӥзы Китайысь, Бразилиысь, Индиысь, Италиысь, Германиысь, Франциысь, Словакиысь делегатъёс.

Форумын нылъёс-пиос удысэнызы герӟаськем шугъяськытӥсь юанъёсынызы вазиськыны быгатозы Россиысь бадӟым предприятиослэн кивалтӥсьёссылы, вузъёсысь дышетӥсьёслы. Ортчозы мастер-классъёс но тренингъёс.

Егит инженеръёс шутэтскозы, футболэн, волейболэн, баскетболэн, теннисэн шудыса. Мылкыд карисьёс быгатозы ГТО нормативъёсты сётыны. Таослэсь  кужымзэс эскероз Николай Валуев — Кун Думаысь депутат, боксъя дуннеысь чемпион, ГТО-лэн посолэз. Н. Валуев сяна, форуме пыриськозы шахматэн шудонъя калыккуспо гроссмейстер Зоя Северюхина но шашкиен шудонъя дуннеысь 12 полэс чемпион Алексей Чижов.

Россиысь машина пот-тӥсьёслэн огазеяськонэнызы кивалтӥсь Владимир Гутенев пусъе: та удысын мед ужалозы визьмо но таза адямиос гинэ. Соин огазеяськон заводъёсын гинэ спортъя ужрадъёс уг ортчытъя.

Форумын егитъёслэсь кышкасьтэм сямзэс но эскерозы. Вуоно инженеръёс гозыосын, ледорубъёсын тубалозы «гурезьёсы». Огез ӝужыт борддор выро-гопо луоз, мукетыз — лымыен, йӧэн шобырскемын. Луоз на лабиринт но — егитъёсты юромо йыромытозы. Отысь мозмытскыны соослы юрттоз визьзы.

Ольга Корепанова

Удмурт Дунне
By Удмурт Дунне 14 июня, 2016 10:55 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<