Дауръёс ӵоже эшъяськон

Удмурт Дунне
By Удмурт Дунне Июнь 8, 2016 13:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Та нуналъёсы Санкт-Петербургын ортчиз Удмурт Республикалэн арняез. Элькун Тӧро А. Соловьев кивалтэм улсын уйпал шоркарын ужаз шаермылэн делегациез — 60 адями.

Удмуртия но Санкт-Петербург куспын ӵош ужан сярысь огкыл кутон.

Удмуртия но Санкт-Петербург куспын ӵош ужан сярысь огкыл кутон.

«Ленэкспо» центрын радъяськиз Удмурт шаерлы сӥзем бадӟым адӟытон. Маке быдӟа стендъёс вылын возьматэмын шаермылэн улэм-вылэмез, кыӵе продукция поттэмез но трос мукетыз.

— Удмурт шаер уйпал шоркарен кусып тупатӥз 2 но ӝыны даур талэсь азьло, — шуиз А. Соловьев. — 18-тӥ даурлэн шораз Вотка заводысь мастеръёс быдэстӥзы эксэйлэсь куронзэ — Петропавловской крепостьысь черклэсь йылзэ дасязы. Воткаын ик кисьтылӥзы Россилэн флотэзлы кулэ луись пӧртэм арбериос. Ижез Санкт-Петербурген герӟа Андрей Дерябинлэн нимыз но: Петербургысь горной училищеез йылпумъяса, со Удмуртилэн промышленностезлы инъет кылдытон борды басьтӥськиз — Ижын усьтӥз корт поттонъя завод. Куспамы эшъяськонмес туала вакытэ но азинтоно! — люкаськемъёслы капчи мылкыдын вазиськиз Тӧро.

Удмурт Республика но Санкт-Петербург куспын огкыл юнматэмын. Уйпал шоркарен эшъяськомы вуз карон, туризм но трос мукет удысъёсъя. Санкт-Петербургын кылсярысь, ӟеч радъямын эмъюм поттон — отысь заводъёсын дасяло 430 пумозэ. А. Соловьев шуиз: Санкт-Петербурглэн губернатореныз Георгий Полтавченкоен кенешимы отын поттэм эмъюмъёсты шаерамы вӧлмытон пумысен. Нош питеръёс тунсыкъяськизы «Аксион» заводын бичам тазалыкез утёнъя оборудованиен — та ласянь но Санкт-Петербурген огкыл юнматэмын луоз.

Ужрадэ люкаськемъёс котрес ӝӧк сьӧрын кенешизы Санкт-Петербурглы но, Удмуртилы но пайда поттыны юрттӥсь ог 40 пала проектъёс пумысен. Александр Соловьев ивортӥз шаерамы инвесторъёс понна кылдытэм капчиятонъёс сярысь: палэнысь ужбергатӥсьёслы кельшымон проектъёс элькунамы лачак.

Шаеренымы рос-просгес тодматскон вылысь уйпал шоркарлэн делегациез матысь дыре вуылоз Удмуртие: соос ӧтемын «Вуоноезлэн инженеръёсыз» («Инженеры будущего») форуме, кудӥз ортчоз элькунамы 8-тӥ — 18-тӥ июле.

Сергей Захаров

Туспуктӥз Дмитрий Тимофеев

Удмурт Дунне
By Удмурт Дунне Июнь 8, 2016 13:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<