«Чечыен тэркы» Горд площадьын

Удмурт Дунне
By Удмурт Дунне Июнь 21, 2016 15:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
книжный фестиваль, камашев

Книга поттӥсьёс понна та ужрад дышетскон школалы пӧрмиз.

Москваысь Горд площадьын книгалы сӥзем 2-тӥ калыккуспо фестиваль ортчиз.

Нырысьсэ таӵе ужрад кылем арын радъямын вал. Соку Россиысь 50 улосвылъёсысь книга поттӥсь 400 пала организациос асьсэлэсь ужъёссэс кунмылэн шораз возьматӥзы. Табере та праздникез котькуд ар ортчытъяны чакламын.

Москвае пӧртэм-пӧртэм книгаосты нуимы. Мукет улосвылъёсысь эшъёсмылы сямен ик, милемлы но нимысьтыз стенд висъязы. Тросэз книгаосмы Удмурт шаер, солэн историез, калыкез сярысь вал, басьтӥмы удмурт сиён-юонъёслы сӥзем книгамес но, удмурт выжыкылъёсынзэ но.

Ӟуч кылын книгаос кык нунал куспын ик лобӟизы. Москваын улӥсьёс но шоркарамы куное вуэмъёс Удмурт шаерен туж тунсыкъясько вылэм. Чильк-вальк кисьтаськись выло книгаосмес адӟыса, тросэзлэн синъёссы ик ӝуатскылӥзы.

Милемыз тужгес но сюлмаськытӥз мукетыз ужпум: сьӧрамы ваем удмурт кылын книгаосмы кинлы ке коть кулэ луозы меда, тунсыкъяськисьёс луозы меда? Сюлэмшугъяськонмы юнме вылэм. Кыллюкамъёсмы, вераськыны дышетӥсь пособиосмы пӧсь пельнянь кадь вӧлмизы. Чылкак ӟуч муртъёс басьтӥзы Ашальчи Окилэсь книгазэ, Василий Ванюшевлэсь «Яратӥсько адямиосты яратыны» бичетсэ, Сергей Матвеевлэсь «Эмезь гурезь» романзэ, Виталий Агбаевлэсь «Чечыен тэркы» книгазэ но трос мукетъёссэ.

Та фестиваль зэмос праздник кадь ортчиз. Трос тодмо гожъясьёсын, артистъёсын, политикъёсын пумиськимы. Книга поттӥсьёс понна та ужрад дышетскон школалы пӧрмиз. Мукет улосвылъёсысь эшъёсмылэсь ужъёссэс адӟыса, соосты дунъяса, ми валамы, кыӵе кулэ луыны туала книгалэн вылтусыз, пуштросэз, кыӵе удысъёслы бадӟымгес саклык висъяно, кыӵе изданиосты возьмало лыдӟисьёс.

Георгий Грязев,

«Удмуртия» издательствоысь валтӥсь редактор

Туспуктӥз В. Камашев

Удмурт Дунне
By Удмурт Дунне Июнь 21, 2016 15:55 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<