Бердыше уг вутто сюресъёс…

Удмурт Дунне
By Удмурт Дунне 28 июня, 2016 14:43
Яр ёросысь Логошурысь А. Дюкина бертэ Вортчалась. Нянен, кеньырен котомкаез туж секыт.

Яр ёросысь Логошурысь А. Дюкина бертэ Вортчалась. Нянен, кеньырен котомкаез туж секыт.

Яр ёросысь Вортча гуртысен тодмо удмурт кылбурчилэн Флор Васильевлэн вордӥськем гуртозяз — Бердышозь — ог 10 иськем. Сое ортчон понна зол пӧсяно — сюрес ӧвӧл.

Сюрес тракторен гинэ но ӵошкатэмын ӧвӧл. 30 градус пӧсь улэ ке но, горд сюй вылын ву пуке, колеяос муресь. Вортчаысен Бердышозь пумисько Логошур, Васёпи, Дусыгурт. Пропиская отын улэ 146 адями, шуизы администрациын. Зэмзэ ке, 30 но уз люкаськы, чиньыязы тыро асьсэос гуртоос. Кызьы улод, татын ӧвӧл ке магазинъёс, клубъёс, доразы автолавка но уг вуылы. Висисьёсты толалтэ поттало вал вылын, гужем — маин шедем.  Кызьы верало гуртоос, пиналъёсты Вортчае школае нуллыкузы, сюресэз кызьы но озьы тупатъязы ай, нош али воксё уг ни — пиналъёс ӧвӧл. Дышем сямен, тыбыр сьӧразы котомкаен, гуртоос ветло Вортчае — нянь, пенсия басьтыны.

— Арлы быдэ сюресъёсты тупатъян, возён понна ёросмылы висъяське 8 миллион манет, ӝыныез кошке сюресъёсты толалтэ лымылэсь сузянлы, — вера Яр ёрос администрацилэн йырызлэн нырысетӥ воштӥсез Александр Старцев. — Нош кылем  4 миллион манетэн мае гинэ тупатыны луоз? Меметгурт дорысь выжез лэсьтыны дасо миллионъёс кулэ. Туэ Дусыгуртозь сюрес вылэ быгатэммыя гравий кисьтом, выжез тупатом. Кылем арын ёросамы лэсьтэмын вал 3 сюрес: Бадӟымгуртысен Тарспиозь, Казакгуртысен Дӧжигуртозь, Никольскысен Куатьчиньыгуртозь.

IMG_5056

Пӧсь куазен сюрес 2 нуналскын но уг куасьмы.

Али шаерамы улонэ пыӵа гуртэз азинтонъя федерал программа. Соя сюрес лэсьтыны туэ висъямын 220 миллион манет. Со 22 иськем 400 метр сюресъёсты тупатыны тырмоз.

Но Яр ёросысь сюресъёс тупатоноос пӧлы шедемын ӧвӧл. Али элькунысьтымы Сюрес фондэ федерал бюджетысь ватсаса коньдон келямын. Оло, солэн оглюкетэз Яре но вуоз. Зэм, транспортъя но сюрес хозяйствоя министр В. Вахромеев верамъя, сюрес нырысь ик лэсьтозы сыӵе гуртъёсын, кытын эштосъёс ужало, ваньбур потто.

Мария Векшина

Удмурт Дунне
By Удмурт Дунне 28 июня, 2016 14:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<